前兩日買咗部廉價手機, 二百蚊有找. 其實手機對我黎講只要可以打出打入, 收發短訊同有鬧鐘就夠嘞. 又因為咁平, 佢個外表都唔可以要求太多, 完全係一部膠機, 不過為咗滿足小小嘅虛榮心亦為咗炫燿自己識噴油(其實又無真係無乜好炫燿, 噴到可以賣錢就話啫.), 所以就同佢扮靚靚!

噴油前後嘅比較相, 因為噴油前唔記得同佢影相, 相片係網上搵嘅, 希望唔會觸犯版權啦.

機背d紅色幾靚wo,點整架.....

唔知psp,nds之類噴唔噴得呢

買隻外加殼噴都有得諗

隻紅色暗花真係好正

咩油黎?
成日覺得就咁噴油,放落袋d油會好易甩

多謝兩位欣賞, 至於噴psp同nds得唔得我都唔知喎, 你地可以試咗話我知. 至於個噴嘅方法其實我都係參考YAYA大, 有興趣可以去佢個BLOG度睇睇.
http://hk.myblog.yahoo.com/ambroseyin/article?mid=12269


其實只係普通油性油再加光油拋光, 不過用金钃底油打底, SO FAR都無甩油, 反而要小心光油唔好括花, 唔係就要再拋光.

咁洗唔洗噴灰

我無噴灰呀.

好勇ar~不過我部手機有鏡頭,冇得挽

其實都唔算好勇, 第一, 部手機好平, 仲平過部mg甚至hg;

第二, 我係拆咗個機殼出黎噴, 就算真係噴衰咗都可以洗咗再噴過或者唔怕核突上番個機殼照用, 根本唔會整壞個電話. 其實噴油技巧唔一定用係模型, 好似我屋企個門鐘同d燈位開關我都會攞黎噴, 可以點綴一下.

開關都噴 唔驚噴左d油入出咩

唔怕, 因為都係拆個膠殼出黎噴. 其實賣開關嘅地方本身就有D特色開關, 不過白色就三四皮, 特色就廿幾三十蚊個, 所以我先自己噴之嘛.

[ 本帖最後由 The-Old 於 2010-9-19 10:00 PM 編輯 ]