第一次post作品:
停咗2年多無砌模型 , 以砌俾太太為理由(藉口) "的" 起 心肝 5月 31開工 到上星期完成, 幾乎用咗半年. 選擇 MG Gundam Wing ver Ka 係因為我太太個名係 Ka Wing.
係呢道相信我係老餅中既老餅, 對有家庭兒女既我黎講, 砌模型絕對係奢侈品.
有時聽到唔同 Forum 既網友都話太忙而放棄砌模型, 覺得好遺憾. 其實自己都好明白當中既掙扎.工作, 家庭, 照顧兒女, 已經疲倦到要死, 有小小自己時間都已經係深夜, 要砌模型, 談何容易. 好多時砌吓停吓 (8月停咗2個月) 有時都想過放棄, 只係一念執著堅持下去. 所以更加珍惜能夠砌模型每一分既時間.
講咗咁耐. 只希望可以鼓勵一下有一樣掙扎既朋友唔好放棄.
隻 Wing Ka只係小改翼同腿Armor, 加水貼同彩光貼. 白藍紅色都噴咗陰影. 藍紅色陰影自己幾滿意, 不過 d 相唔多覺. 仲有今次影相時天陰, d 相色溫有問題, 偏藍同 under exposure. Sorry! 等好天再影過.
最後特別多謝我太太既 support. 砌咗咁耐. 10月再開工時竟然倒寫紅油落地毯度, 砌咗模型 20幾年都未試過咁失敗, Sorry.
好啦, 去相...
[
本帖最後由 trex8 於 2007-12-12 01:48 PM 編輯 ]