我支筆經常有氣出無油出,但又唔係塞,唔係突然噴一堆出黎果種
調較下出油量又有出返,一係就較到最大都無野出,變左好難噴細野,做陰暗,係咪筆問題呢?
thx all,有冇經驗高手分享下,我用緊果支係入門既台灣筆,$200左右

你D油可能太杰

老實講，平筆係好難噴細野，我都有甘既經驗，就算用靚筆，因爲你噴細野要調較氣壓比較小，所以出氣時既吸力都細D， 有可能抽油既吸力都弱。

我既解決方法：（1）用leveling thinner 〔2）開稀D （3）用靚筆，我用美國badger牌， 我用左呢個formula都可以講得心應手！試下啦！

另外，我認爲所謂既台灣筆係厄人，其實都係大陸筆，大陸賣既筆全部都話台灣做，但係100-140蚊支，台灣成本都唔止啦，攞落黎香港賺你幾十蚊，你信係台灣做咩？我就有兩支，一支得一支唔得，得果支都係噴粗野，細野唔洗霖。所以筆係要兩支，一支粗野，一支靚野，唔少得架啦！

[ 本帖最後由 timng 於 2007-11-30 09:56 AM 編輯 ]

有道理,想請問一下有冇咩噴筆推介一下?買0.幾好?其實因為我都係初初學噴油,所以諗住買支雞野玩下先,而家好多野都係試試下

既然你已經有支可以噴一般中至粗既筆，我係你就再買梗係買支細野0.2mm啦。我用既係badger 150標準型號，買左十幾年，可以換粗、中、細咀，基本上可以話一支搞掂，甘耐都未換過part (可能我玩得少姐）。

我聼講郡士細咀0.2mm  269 同 270 型號都非常靚，價錢大概六百幾至八百，我都未買過。Olympos 等名牌子梗係好啦，不過價錢700至1000，唔平架，又未試過，唔敢介紹你渦。

多謝意見,Olympos其實我有兩支陣年舊物,係以前老豆玩模型果陣留低,不過好奇怪佢兩個接駁頭都比一般噴筆大,我條風喉駁唔到,
用唔用得返都唔知,所以一路無理過,我會首先參考你講既badger,唔該晒你

駁頭可以去新填地街一d有泵賣既鋪頭佩返