Volks IMS - 1/144 Batsh Black Knight
最近砌高達砌到悶悶地, 偶然見到師兄的一隻FSS 水龍, 知道除了Wave之外的五星模型. 係星期日見到IMS即將出KOG.....唉, 死就死, 入坑吧!!!!
好多年前砌過Wave 的FSS, 可以講, 完全無佢辦法.......希望IMS好點吧. 上網睇番IMS的出品, 比較喜歡破裂人偶, 黑騎士, LED. 即刻上網搵下有無人放, 好快已經入到1/100的LED同黑騎. 位師兄包到靚到有點吾捨得拆. 至於盒1/144黑騎, 係另一位師兄度買. 由於小弟小玩Bandai之外的模型, 所以決定先砌1/144黑騎.
顏色方面, 已選定幾隻色,
外甲 : Gaia 020 : Gun Metal - Metallic - 小弟吾想過份黑, 成件野黑色會有點悶, 所以想搵隻吾係實黑的金屬色, 呢隻色噴完有小小啡, 好靚. 本身另一個想法係用深到接近黑的紫色, 不過未搵到合用的油, 下次再試
骨架 : 雙星 : LP-61 Metallic Grey - 想用銀, 但會太淺, 所以要一隻深色點的銀, 係舖頭見到呢隻Metallic Gray, 試一試.
紅色 : Mr. Hobby GX215 Metal Bloody red. 要搵一隻深小小的金屬紅, 一見就覺得個蓋隻色好合心水.
橙 : 未搵到合心水
第一次砌Volks, 步驟同Bandai可能好吾同. 我砌Bandai全部剪出來, 磨, (如有過份明顯的位置會補夾口, 不過吾補佔更多). 跟住黃, 紅等噴白底, 之後噴, 滲線, 水貼, 影相.
好多師兄話Volks一定要啪埋一次先, 所以成個步驟亂晒.
我睇左份說明書20分鐘, 初步睇分件好好, 要做遮蓋的地方吾多. 出奇地其實真係要補夾口的位置都吾多. 暫時未知會吾會有件合得吾夠緊密的情況. 如果無呢方面問題, 佢的設計真係好適合我呢類吾識搞GK, 又吾想做遮蓋做到傻的人.
呢盒模型令我好期待, 而家好有火, 好想完成佢.
歡迎師兄經驗分享.
附件: 您所在的用戶組無法下載或查看附件
|