模型誌中心在庇利金街。

講起"超新星"......有盒陳年舊貨，重有個價錢牌在。
[attach]415757[/attach]
模型誌---店
[attach]415758[/attach]
[attach]415759[/attach]

唔好話補品，以前啲模型友邊有而家咁多參考資料，好多細節嘢都只係靠自已嘅經驗同對歷史及軍事知識慮積而推考製作，真係唔到你唔服。所以當年睇模型書除咗學砌模型技術外，確實吸收到唔少歷史及軍事知識。
當年啲模型雜誌作品仲間唔中會響模型店櫃櫥展出，所以逛模型鋪除咗買模型外，仲係順便欣賞下啲師父嘅作品。
我記得以前響洗衣街嗰間「太平洋模型」就曾經擺過孖星1/350尼米玆號，果個年代呢啲咁大咁貴嘅嘢好少有機會見到實物，但喺逛模型舖就有咁嘅機會。

仲係度!?

執左好耐，同一條街的興記都結業，目前油尖區淨返油麻地康X。

真是可惜...
話時話, 好似大多數舊的模型鋪都己執到七七八八? (還是我太年青了?)

智能手機(Smart Phone)的出現，令好多年青人只會專注在一個三四吋的瑩光幕上，其他野已經變得無趣味。
唔好講話砌模型，玩其他類型"興趣/Hobby"(包括遙控模型、自組電腦、氣槍)的人都越來越少；就快連電子遊戲業都會走入(其實已經開始)衰退期。
新舊交替係正常現像，其實砌模型(正確講係工業界)都開始有新革命，立體3D打印技術正開始改變傳統生產模式，未來砌模型未必係買套膠件返來砌。

呢本嘢我都曾經買過好幾期, 可惜全部掉晒
間舖都去過, 雖然舖仔細細, 但櫥窗擺咗好多雜誌內嘅作品, 所以好多嘢睇!

記得以前的模型雜誌, 都會有一欄二手買賣場, 好多時放售人在聯絡電話一欄, 都會加多句:-

人不在, 勿說來意

廢事俾阿媽接電話俾阿媽鬧~~

甘真的要聯絡時, 點算?

真高興,咁多回響,原來師兄們都係收藏家!
其實這些雜誌我一早失掉了,只是之前借回來一看,已經還給人家(內心爭扎,真係好唔捨得還!)唯有scan咗作日後回憶啦!最on居係我無scan內頁!!!
感謝各師兄大方分享自己的珍藏,現再送上其如的封面,連露背照!

呢本野當年我都係由第一期開始買。買左幾期就無買了，而加睇番好回味呀！多謝師兄！

記得佢之前，有本叫“模型時代”既雜誌，我的朋友介紹我睇，我買左幾期就停左，當年期期都有個編者的話，話自己脫期，比讀者打電話追問幾時有，到最後果期真係無出，我就學人打電話去問，點知係個阿姐聼電話，仲話我“打電話來有咩用呀？”教訓到一面屁！ 結果梗係執左啦！

當年好驚訝點解人地可以做得甘靚，自己一輩子都無甘既本事！

"模型時代"就無乜印象,但呢本模型誌就好記得,可能佢有店舖可以去睇實物啦!
而且三十幾年前可以自製一部架橋坦克,仲做到咁高既水準都咪話唔得人驚!想唔記得都幾難!
當年見到D自製車會想知D師兄是用什麼原材料做出來,而家見到D改造會問係用什麼牌子resin/pe!!我地現在太幸福了!

"模型時代"，小弟在兒童時叫做有幸睇過。
有關它的資料，可參閱這裡:
http://www.setbb.com/meahongkong ... ;mforum=meahongkong

[ 本帖最後由 wingzz 於 2013-5-8 09:16 AM 編輯 ]

嘩，大佬，全部都有印象呀！當年我就係買呢本模型時代架！ 勾起好多童年回憶呀！ 多謝！

後來無出，但無耐又有本“模型誌”，第一期開始買，
後來好似係因爲上左中學，之前太懶成績唔好，開始要發奮，所以無再買。

嘩!正呀! 而家記得matilda"冲厕"果個境,好抵死
真係要bookmark呢條link慢慢品尝
谢谢Mr Fung

孖星 隻1/350  企業號 , 我 90年頭 起太古城精藝見過 , 好正 ,  當時重見有架長記 1/48 A7E  低視度迷彩同 做左塊紅色入氣口 cover   

[ 本帖最後由 ▲▲27▽▽ 於 2013-5-6 08:55 PM 編輯 ]

孖星出過尼米玆號??


突然唸起, 好耐之前某模型店放過一個情景在櫥窗, 我記得好似係一個德軍定美軍上茅廁"買大",但手上卷廁紙揸唔穩"轆"左出茅廁外, 比例係1:35的~

d 字太細  一時 睇錯添

呢本嘢真係本地模型雜誌嘅遺跡，小弟當年無錢買。兩雞嘢其實唔平，當時係油麻地康田整架 1/72 F5A 都係 $3.9，「小流氓」(而家嘅龍虎門)都好似售 5毫子定8毫子咋。