唔止,我覺得佢同曾生已經立在同一水平.

勁過臨睡輪

我冇話贊成/反對 -- I LOVE IT

週時聽唐唐 / D官講 :
我唔表示反對
我唔表示唔反對
我冇唔表示唔反對
我冇唔表示唔會反對
我冇唔表示唔會唔反對
我重申一次
我唔表示反對
我......

咁講法, 又拉一個鐘啦

你有d 野本末倒置咗, 正常係政府出數據 Support 佢做既野說服大眾, 唔係大眾說服佢, 政府班高官出糧幾廿萬一個月唔駛做乎~?

原來呢度十一頁全部都係空白,你咩都睇唔到的~


好邪呀

大家只是討論一下,不需要拿其他人來講,這只見得你不成熟

我地可能唔成熟,不過唔會似你咁幼稚.

其實大家心中已有自己的答案,再討論下去都是冇用,倒不如砌多兩盒模型ba!!

PERFECT !!!

先抽離題目, 討論一下其他觀点, 引用一吓前江主席一句 "不成熟" , 嚇吓你.
嚇到大家唔知講到邊, 然後再由頭再嚟講過, grady 兄, 你好堅

朋友，你唔好玩啦，JR都是位於東京......咁你當仙台、青森、東北，全日本果 D人死架.....
日本既高鐵係叫新幹線，分別係東海道、東北、中部、中國地方、去到差唔多赤間關(武蔵、小次郎決斗地點)
JR只係大部份同我地既東鐵、西鐵差唔多

那麼新幹線是不是建在市區ah??

you are so funny, I really love your style

其實，從拒講野的style同唸野方法，我懷疑拒係女人。我並非對女性有歧視，只係直覺覺得拒係咯！

講真,我反而覺得錢吾係最主要問題,基本上我會同意起高鐵
不過總站地點同之後列車既走法有問題
西九本身一d都吾方便,如果要起到入市區,就近既深水步長沙灣都會有地方起,而且本身可以直接連接地鐵同現有巴士線.再吾係吾怕花錢,再多d起入中環就起係ifc邊既空地,呢個會係最方便
再來,之後通車會否能有不停站直到北京等地的列車?這樣才可以代替飛機,達到鐵路的環保效益(香港也算已發展地區,減排的事,多少也應該進行,要是飛大陸的飛機減少,機場的擴建也沒有需要,可以保護到海豚的生境)

我都有呢個感覺, 不過唔敢寫出嚟

佢唔會係鄭汝X... 想入立會面對議員之前搵人較牙 ma~

[ 本帖最後由 twinsa 於 2010-1-15 07:53 PM 編輯 ]

以下係我既愚見.....

其實我投反對票...
我希望所有支持人先睇下呢個中港關係, 中國一直點對香港??

香港係「便宜仔」, 唔係親生嫁! 咩自由行...CEPA...所有野都係比人化妝

如果係親生既點解宜家一直係金融經濟市場方面谷上海的地位? 上海既金融地位已經由09年頭第7升到第4, 又同時簽定左不同既貿易條約......加上唔同既旅遊興建, 有無諗過佢想溫水煮蛙咁將香港的競爭力減低...
到時就可以名正高順比親生仔上位

點解佢會比你先2017有普選而唔係2012? 因為佢未搾乾香港慬餘既價值, 到香港奄奄一息既時候, 你地咪玩民主LO...

高鐵係唔係一個其中一個從中獲利既方法...講真我唔知...

但咁重要點解資詢咁少次?? 點解低調宣傳?? 點解要等到宜家成本提高晒先起??
用咁多錢點解唔係還政策於民意??
有幾多人等緊公屋佢地又知唔知....全港差唔多一百萬人係貧困人口~
青年失業率四成.......得一萬一職位...夠咩??

到時我地香港無晒競爭力果時, 我地又民不聊生....後悔就太遲啦~

有時大家會好相信咩資料數據...
講真...政府出既資料有幾多真幾多假大家又會清唔清楚??
七一上街都可以當幾千人無到...佢話既七成人同意又係唔係事實??
班高官做完就拍屁股走人...留低的蘇洲屎.....

政治本身就係黑暗...存在住唔少陰謀論
何況宜家既政府係比人挷手挷腳....

講完, 純意見發表....^^不希望引起罵戰......

我個人就比較同意興建高鐵

其實現在香港的競爭力已大不如前

上海的急速發展令我們香港面對一個好大的危機

香港再不可以坐以待斃

假如現在錯失良機的話

香港可以真的被中國放棄

加上高鐵經濟效益在未來會相當樂觀

香港應該放眼向前

不應短視                   以上是我的愚見   本人不會作任何的回覆

雖然你唔會回應, 但我仍然講講你所題出的....

競爭力已大不如前???  原因何在呢?? 你係香港買野食野, d錢除左俾人工, 同材料之外, 仲有好大部份去左租金. 而俾人既薪金亦有好多去左俾租金/供樓用... 點解會咁呢?? 係因為香港交通唔好?? 唔會有人話係掛, 明顯係多年高地價政策下既結果啦.

上海的急速發展令我們香港面對一個好大的危機.... 好大既咩野危機, 有冇d具體d 例子, 又點解成日要同上海比呢??? 上海建立成大城市唔同香港咁得百幾年, 上海繁榮既時候香港都未有人識, 咁只係內戰之後中國閉門自守多年先會停步不前, 但現在中國本身開始發展返, 上海爬返出來搵返本身既地位又會好奇咩. 再加上, 中央入會有唔少係上海人, 上海會爬過香港根本係必然既事. 大家同樣係海邊城市, 但上海冇一條邊界阻礙佢係面積上既發展, 香港呢, 一邊深圳河就永遠冇上海係地理上既優勢.  雖然做人唔應該妄自菲薄, 但亦要知道自己有幾多籌碼係手... 香港比上海有既係法律, 係法治社會.. (大陸佬係咁係香港買豪宅買物業就講出香港法律可以保障到佢地d財產, 因為講昇值既, 內地既樓昇得快過香港) 但如果好似依家咁只要某幾個高官覺得要搞就要即刻搞, 其他意見完全唔理既, 就會幾成人治社會, 咁就連果 D少少優勢都自己斷送.

中國一早就放棄香港, 香港係大陸眼中一向都只係一個麻煩地.. 但因為係由英國回收返o岩, 而英國呢百年以來唔止管治得好, 仲可以由一個無名漁港變成一個有名城市. 如果回歸左香港即時有問題既, 大陸就會好冇面子. 而大家都知大陸對"面子"重視度係去到視為國家機密/安全. 咁由點可以俾香港死得咁快, 咁俾你死唔等於要俾飽飯你食....


加上高鐵經濟效益在未來會相當樂觀 ..... 點樂觀法呢??? 實質上會係邊度得益呢?? d 數係來既呢?? 相比起投資左既, 回報比例係點呢???

你講既同d 官講既都係一d 口號式既推銷, 一味講起就會好, 唔起就會唔好, 但詳細d 講會點好法, 好到點, 點壞法, 壞成點, 咩都冇...

呢d做法就用有條友同你講個number會升你就訓身買, 唔理間公司做咩生意, 之後就叫埋你姨媽姑姐都買一樣. 出事就話早知睇清楚先買啦.

http://www.youtube.com/watch?v=Y ... ure=player_embedded  一定要聽下大角咀既居民點林

如果有人訓訓下覺, 因為條膠鐵 有咩傷亡, 邊個負責 ?? 跟本就咩都未ready好  

警察係警局強姦少女,  一句對唔住都冇喇, 何況死人 ?

係咪次次到出事先肯停手 ? 係咪比d錢塞到個腦痴q線左  ? 係咪事不關己就可以置身事外 ?

有冇人性 ?

[ 本帖最後由 好平 於 2010-1-15 09:27 PM 編輯 ]