新手一名，請咁多位多多幫助^^

第一問：請問高達上色基本要求/裝備係咩?????  (細細個玩高達貼貼紙only=W=)

PS  資金有限，唔該提供一d較經濟的裝備

早排睇到一d噴槍要成千$$，心諗玩高達都要用咁多$$ Orz

其實d噴筆及其它工具~係儲備比自己技術升級之用~有好多hkml大大都講過砌模型係不歸路(主要係講制作上既恆心) , 同埋係比自己升級玩砌車 飛機, 大炮之類

係上色之前練左清水口,補夾口,打磨D工序先,唔想一開始就用到噴筆,就手油住先啦,手油都可以好正,功多藝熟.
我都手油左2年先買噴筆,手油其間就睇下自己係唔係真係咁熱愛模型.之後再考慮買噴筆個D裝備啦.
手油主要都係:
-畫筆(模型舖買就唔會買錯)
-模型油(邊隻牌子就自己決定)
-THINNER(對應返你用咩牌子,油性定水性)
-模型膠水(補夾口用)
-沙紙(打磨,清水口用)
-筆刀(唔知你用得著未,有把看門口都好GE)
我諗買晒,幾十至百零蚊左右啦.

大概係咁,有錯及遺漏,請其他師兄指正

我油同THINNER都已經2,3百

其實真係睇你有冇心機玩，有心玩既點都會繼續落去(手痕中.......)

由砌科幻模型轉去轉砌車，飛機大炮算係升級定係轉過玩第二樣.....值得我個人考究下

[ 本帖最後由 josephfreedom 於 2009-11-16 07:41 AM 編輯 ]

噴筆,泵個啲是固定成本
長遠計.

所以係咪有恆心砌落去就自己決定

=0=咁多term的@@

可唔可以詳細少少解釋下

睇你既情況都係買d教砌模型既書同去d網站睇下

http://www.modelvillage.net/course.html

[ 本帖最後由 ch_lycab 於 2009-11-17 10:19 PM 編輯 ]

砌模型本來就唔係一件簡單既事.....
唔通細路仔玩泥沙咩....

唔知點解對"玩高達"呢個詞語好反感.....(個人問題)....

[ 本帖最後由 小杰 於 2009-11-17 10:24 PM 編輯 ]

用HKML搜尋功能搵下啦.我相信其他師兄表達得好過我,呢D基本功夫唔少得.
模型唔係兒嬉,每項工序都好重要.如果真係有興趣於模型就慢慢學啦.

我想問，用一d叫做 gundam marker 的筆上色ok唔ok??

唔該俾d意見plz^^

嗯.......唔多好....

點解唔多好呢???

上得太簡單

好難上大範圍

不過可以試下

即係，細少野用gundom marker上都ok??

因為我第一隻想整英格倫，黑白色為主，我見素組d色都齊咁滯/ \

其實對新手黎講, gundam marker係新初手玩, 模型油加天拿係新手入門, 噴油上色係新手上色新嘗試, 但對一般了解色彩老手有時玩gundam marker~已經可以上色制霸模型制作, 我唔敢話好靚, 但見過效果已經可以接受~

又要問野啦^^

各位，我有個fd，都鐘意玩模型，佢話上色用噴罐

1我想問新手用噴罐好唔好??
2噴罐係咪就咁買返來就用得，使唔使再自己開用天拿開??

3好似好多噴罐噴出來的色都有光澤(私家車表面反光果種)
  想問高達好似用無光澤會好dwoo，但點先可以整到個噴罐隻有光澤色變做無光澤呢???

4手油好似好難，好易油到一條條/ \用噴罐係咪會易d???
  噴的力度係噴果下一直到完果下的力度係咪要一樣???

5不過一d細小部位一噴就會噴埋旁邊其他唔該噴的部位點算???呢d細小部位要點上色????
  上網睇人用一d  黃色貼紙cover住一d唔想噴中的部位，果 D又咩來的???



o......打打下問左咁多問題/ \唔該請指教

[ 本帖最後由 harryeric 於 2009-11-21 06:26 PM 編輯 ]

各位，我有個fd，都鐘意玩模型，佢話上色用噴罐

1我想問新手用噴罐好唔好??    無話好定係唔好,岩用咪用
2噴罐係咪就咁買返來就用得，使唔使再自己開用天拿開??   唔洗,就咁用就得

3好似好多噴罐噴出來的色都有光澤(私家車表面反光果種)
  想問高達好似用無光澤會好dwoo，但點先可以整到個噴罐隻有光澤色變做無光澤呢???   使用消光/半光澤 噴罐

4手油好似好難，好易油到一條條/ \用噴罐係咪會易d???   手油都可以好靚,無話邊樣易d,用慣左,樣樣都可以做得好靚
  噴的力度係噴果下一直到完果下的力度係咪要一樣???   順手咪得囉..不過唔好一下hold咁耐....會積油!

5不過一d細小部位一噴就會噴埋旁邊其他唔該噴的部位點算???使用遮蓋膠紙/遮蓋液 呢d細小部位要點上色???? 手油
  上網睇人用一d  黃色貼紙cover住一d唔想噴中的部位，果 D又咩來的??? 上題!

[ 本帖最後由 小杰 於 2009-11-21 06:53 PM 編輯 ]

1.你新手就咩都唔洗玩,練左補夾口,打磨果 D工序先
2.噴罐就咁噴就得
3.你新手就咩都唔洗玩,練左補夾口,打磨果 D工序先
4.你新手就咩都唔洗玩,練左補夾口,打磨果 D工序先
5.你新手就咩都唔洗玩,練左補夾口,打磨果 D工序先

大哥呀...磨完唔洗上色咩?

佢磨完先問啦,補夾口,打磨果 D工序都唔識