佢同成班麻甩佬拎晒架生番上大陸釣魚姐 吾好心邪
最主要係我阿公果邊有D親戚既仔仔女女(米姐係又係親戚)住佢去釣魚果邊
佢想做D咁既野都幾難

[ 本帖最後由 lotty424 於 2009-10-24 08:03 PM 編輯 ]

你幾大呀??? 亞媽唔俾出街你就唔出??? 依家唔係去玩呀, 係去睇醫生呀, 你係唔係想延醫而惡化左先去後悔先???

我都想 我岩岩同我阿媽講多次
佢話:擦D叉青膏再睇下點先啦 成日都話睇醫生 細路仔病下就冇事嫁啦
我個咀當堂O晒 算啦,就黎食飯 今晚早D訓 聽照睇下點再向各位REPORT啦(聽日仲要出去九龍同阿嫲食生日飯)

其實係你呀媽要睇醫生,唔係你要睇
依嫁變左你呀媽驚睇醫生,所以就會有咩事都唔多建議去睇,睇多眼都會死咁

唔係咒你, 你亞媽呢種想法遲早出事.

我大哥細過時成日成身都痛, 我老豆就只係亂俾止痛藥食算, 後來睇左個黃綠醫生話係風濕, (當時十歲唔夠), 冇幾耐一驗血先發現其實咩都唔係, 係血癌. 我大哥係佢十二歲時去世, 當時我十歲. 自始我全家人(包括叔姑姐)都唔會有病唔去睇醫生.

延醫絕對可以可大可小. 唔係嚇你.

而最近我亦有個好close既朋友老豆因為以為d小毛病成日唔去睇醫生, 到真係去既時候, 已經係嚴重糖尿病.

又一次延醫絕對可以可大可小.

點都好, check check穩陣d, 呢d野可大可小

人類真係好脆弱......要注意下健康先得啦.......我唔想英年早......

沖完涼好左少少啦 過埋今晚睇下點先再算

唉.我呀媽同你一樣=[
我中三好似小三咁
我同d fd出街好似係得一次
仲要係我個fd生日先得.
個次仲要係成個星期前問左成3粒鐘
又話咩幾點返幾點去
大佬.都成中三啦
琴日.我話同個fd去打波.佢又話咩唔好去
之後個晚佢同我講.得閒做d運動啦唔係成日好似個自閉仔咁
我x!
我話去打波你又唔比.依家同我講我似自閉?
唉.吹賬!!!!!!!!!!!!!!!!!!!!

依家父母好怕子女學壞~
咁管教就嚴左~
太嚴就會令到子女覺得父母好煩~
咁d 子女就會作出反抗~
父母又覺得自己做唔好~
不停加壓~
惡性循環~~~

師弟一係同你亞媽坐底慢慢傾~
講比你亞媽知你依家情況~
慢慢解釋比佢聽~
唯有係咁

我表姐夫都係，到check到都已經末期肺癌，剩返個幾月，舊年就走左，四十都未到，剩低我表姐同一子一女(一個讀高小，一個今年先中四)，唉......

講過啦 都係咁
今日好左少少啦 不過都仲係痛到飛起 佢都係吾比我睇醫生
依家仲要出去燒野食
岩岩換衫果時見到自己左邊博頭係比右邊博頭長同埋肋骨係向左少少左 吾係置中  我都嚇親 嚇到呆左兩秒
一直都吾覺 今日好鬼覺 跟住條頸又生左d一粒粒既野 好似熱"廢"果 D
仲要出去燒野食 唉
同佢講多都無謂 睇下繼續多幾日會點先啦
再吾掂下星期約阿婆飲茶用阿婆壓力迫佢囉(不過佢都吾會理 仲會鬧番我阿婆 不過多一個人知好過冇人知 )
就黎可以草定錢幫自己做定身後事

[ 本帖最後由 lotty424 於 2009-10-25 05:38 PM 編輯 ]

去 BBQ 都唔去睇醫生, 俾我係你 ar 媽都認為你冇問題 la... 有d 野自己都有責任, 唔好淨係賴你 ar 媽~

另, 你 "ar 媽" 生日, 但你 "老豆" 可以去o左釣魚, 就算冇二奶, 一睇就知兩個感情出o左問題, 你 ar 媽煩緊暫時顧你唔掂 ga la, 自已要自立下 la~

都叫左你有事就自己落去睇醫生架啦

吾係我想去 而係阿嫲生日 吾去吾得
我老豆去釣魚係因為佢要帶團 搵錢

Ooo~ ic... 誤會o左 tim~

但你自己其實好應該去睇醫生, 身體係你自己, 冇人清楚得過你...
你拗 ar 媽唔掂既話, 不如向 ar 爸著手, 叫佢俾錢你睇醫生~

有時有d 人 / 事係可以好固執, 真係要o益交決, 唔好為o左唔想嘈就忍o左佢, 親人既野,
今日拗完聽日冇事, 但身體有損傷, 分分鐘影響你住後幾＋年, 甚至一生~

講得好. 而且今次係關於健康既事, 健康係無價既.

比我就會話長期儲定$100做自己醫療基金,有咩三長兩短打999叫白車入急証都有錢比
始終父母唔係你自己,feel唔到你病有幾嚴重,有咩事自己比左先

其實我老豆都係d咁既人
有親咩周身骨痛同佢講 佢都只會答你:熱氣/做多D運動/小小事睇咩醫生 死吾去嫁
唉,想係我屋企搵個正常都冇