喱幾日濕度好高, 達百分之九十五, 正呀!
拿拿聲做檔風玻璃的舊化. 有乜關係?
用消光劑囉!! 驚佢唔夠白化吖嘛!
今日絕大部份的人一做 afv 檔風玻璃的舊化, 就會 : -
1. 保留水撥覆蓋的形狀清潔到晶瑩通透, 其餘面積唔知點解噴到好鬼勻循地”污糟”.
2. 選用沙塵的顏色以類似 XF-57 Buff 為主.
成四十年前的做法了, 當年是創舉, 一流的意念. 而家都係
, 不過, 意念不是技法, 同一意念是可以利用不同的方法產生變化多端的效果
. 而方法呢, 例如都有四十年歷史的紙巾製篷法, 本身沒變, 只是隨著物料的進步跟著演進, 只要是好方法便經得起時間考驗, 成效依然領先.
我心想 : 檔風玻璃是否都係錦樣污糟法呢 (就是1.)?? 今時今日的水撥膠都冇咁靚啦, 果時更沒有唧咀噴玻璃清潔液….掛?!
是否鑊鑊都遇上沙塵暴呢 (2.的顏色) ?? 沙粒重過塵埃好多架喎!
以上 “疑問” 只是講吓笑
, 當然會有發生啦, 可能真的很常見添! 只不過想說 : 意念一樣, 但演繹方法可唔可以變吓呢?!
砌模型我覺得唔係淨係得個砌字, 除左大家都知的想像力, 更可以發揮一吓日常的觀察力, 好多日常在你身邊的事物都可作為砌模型 (不論任何種類模型) 的參考對象.
塵埃? 想唔見到都難呀! 鋪了塵的東西多數都變得白濛濛, glaze 層灰白色上去? 但玻璃是透明的, 便想起透明這名詞在模型界叫 clear, 錦就想起消光劑, 跟住聯想起它的熱門題目 “發白”, 啱晒啦! 找到解決 (2.) 顏色的答案.
輪到 (1.) 嘞. 六十幾年前就已經咁環保? 只利用天然雨水沖洗? 唔落雨錦點呀?
我估……..點都有時抹吓掛. 抹乾淨晒咪冇污漬囉! 仲整乜鬼 jack!! ……..搵個藉口咪得囉
: 打緊仗, 水應該好珍貴, 唔可以浪費, 污糟到某程度才抹幾野, 睇得清就夠嘞. 哈哈! 又可以解決埋 (1.) 的問題.
於是選擇琺瑯消光劑, 因為要塗後可以抹得甩, 其實其他的硝基油和郡仕/雙星水性油都可能得的, 緊記必先要測試其 thinner 對透明膠片有沒有副作用. 任何油類的 flat base 都必須混合其相應 clear 才可塗上, 否則乾後只剩下一堆白粉! 我的比例是一份 flat base 兩份 clear, 不添加任何 thinner 稀釋, 用寬的平筆塗上刻意流下筆痕, 窗框四周最積塵, 便用回細筆沿邊塗多些. 待半乾, 顯現白濛濛時 (初時是乜色都冇的, clear嘛) 便以海綿沾少量 thinner 塗抹成你心目中的模樣, 當然正中央要抹乾淨些啦!
想像吓兵員企在車頭兩側伸手去抹會抹成點樣!!! 車頭燈也同一方法處理, 可惜因為燈的圓周本身造得不好影響效果
. 其實今次有些失策, 就係透明膠片本身花痕較多, 影響清晰度, 繼而影響現時污漬與乾淨位置的反差
. 再者, 這類可以向前放平的活動式檔風窗框, 平放後會積聚更多的塵埃! 而那裡卻是玻璃的內側! 所以玻璃內側也應該須處理, 奈何膠片花痕問題要放棄. 下次, 要捽 compound 先!!!
講左咁多, 最後你會發現, 咦! 其實好簡單咋喎!
係呀! 好簡單架! 就係咁簡單都可以咁好玩囉! 我目的都只想講這句.
分享
