藍膠片有用過,重有一種有彩色條紋

你係咪講緊"力高蘭武達"(帶頭笠嗰個, 似乎是參考了力奇羅達的真人真事, 七幾年一位F1世界冠軍, 曾因賽車意外燒傷面部)?! 同高達一樣有"面具男"

套劇後來好似仲己經發展到8個轆嘅車, 渦輪增壓引擎, 前后定風翼又可以改變角度等等......

諗番起原來細個嗰陣好似有買模型砌過......

[ 本帖最後由 j1702 於 2009-2-16 09:34 PM 編輯 ]

藍色膠片!!!! 久違! 你唔提都唔記得喇! 果塊野我屋企從來冇用過!!! 因為慳得就慳喇!
麗的呼聲果隻係多數安在牆上, 十足當年風扇調速的啪啪啪, 逐格擰來轉台. 我婆婆打有錢佬的住家工, 那裡有裝到麗的呼聲, 都係幫襯我老豆的
飛利浦係名牌, 雖然而家都係, 但當年就更加犀飛利, 真係唔講得笑!!! 我受老豆 "熏陶", 對電視機自細有D認識, 升中三暑假 77年?? 便去老豆打工的那間家庭電器鋪頭打暑期工. 60年代尾70年代初的電視機係西德機天下, 兼貴!!! 羅蘭士, 藍寶, 德律風根, 根德.....次一些的是凱旋, 視霸, 飛利浦係荷蘭同羅蘭士等同屬頂級. 唔好同我講 B&O, 佢唔受人玩代理, 自己做埋, 但曲高和寡. 日本機70年代初開始進攻, 以價錢取勝, 高價貨只得新力, 而當年新力電視機價錢係拍住西德機架. 之後緊係日本機贏晒啦, 因為唔只價錢平過你, 可靠性, 性能, 質素...全部贏晒架!!!  

記得當年由擰台進化為按制轉台, 但實到真係手指都軟, 所以再進而輕觸式電子按制, 嘩! 日本野全部好地地, 歐洲機?!?!! 潮濕日子就會 "自動轉台"  我經驗豐富, 因為當時平均半年 "換" 一次電視機   老闆要 "貨如輪轉" 嘛! 乜機都睇過!

當年暑期工是一腳踢乜都要做, 包括幫手安裝魚骨天線, 鋪頭負責送貨包安裝的伙計最怕售貨員同事賣歐洲電視機 ( 即係累埋我囉 ) 教天線真係教到怕  相同地區日本仔野快靚正, 歐洲機教得好辛苦, 好彩就都算教到, 但多數都.......  伙計好醒目的, 對客講 : " 你買喱隻牌子係靚野, 不過靚野對訊號的要求自然較高, 你喱區的發射站出名弱, 所以畫面冇咁理想, 但放心, 政府都知這區的問題, 已落實好快就提升這區的發射站......" 次次又過骨喎!!

呢ｄ sales 真係靠得住 (講笑).......  

藍色膠片, 記得, 我輩就最多第一次, 第一部全原子粒收音機 (National) , 第一部黑白電視 (三菱), 18吋, 就系以上師兄所講 有櫃, 4隻腳, 有門有鎖果種, 第一部彩色電視 (德律風根,租機), 第一套Hi-Fi (Pioneer, 4件頭, Tuner/Amp, Turnable, 2隻2路Speakers, Cassette Deck 另配)......重有第一次FM 新歷聲廣播, "捕"系個 Turner旁邊睇住個 "STEREO" 燈著...........

年紀大左, 新科技, 新產品層出不窮, 經常都接觸到, 但總系好似無左以前果種興奮感覺

哈哈~~~  我屋企第一套 Hi-Fi 都係 Pioneer，套裝機，型號「龍圖 5000」......

人大左，經歷o既野亦多左，可能已經「見怪不怪」，對好多新野欠缺興奮感覺亦可以理解......

[ 本帖最後由 patmb 於 2009-2-16 10:36 PM 編輯 ]

http://www.comet-miniatures.com/index.php?zone=105&
留意右邊第二格,左邊第三格

還記得當年 Pioneer 當年的宣傳嗎 ?  

" 先鋒牌你的六十天"

記得！

果個年代，仲有「山水」都好流行。

之前已經上過 Moebius 個網睇過 (71 樓)，Moebius 網址：http://www.moebiusmodels.com

.........

不過都唔該晒你o既熱心！  

.........

力奇羅達 -- Niki Lauda，我用果個頭像就係佢！

Niki Lauda 係 1976 年德國站舊 Nurburgring 賽車場，駕駛法拉利，懷疑避震出左問題，炒車後著火，佢被困車內被嚴重燒傷面部同吸入有毒氣體傷及肺部......
佢本來傷得叫嚴重，但佢竟然復完得同佢開車咁快 (但面部留有疤痕)，六個星期後就重返賽車場，被冠以「浴火鳳凰」美譽。

果個年代乜  X  都有得鍞 衣櫃有雪櫃都有

住得高可以o係騎樓裝魚骨 ,  好似我住四樓 就要上天台裝.
打完風, 收台收唔準, 就要全家出動上天台....
天台有幾百枝天線要認翻自己果枝...之後....

藍膠片緊有用 要另外掛落去  果時教台都幾困難

講開這部動話男主角「金鷹義」所架使的賽車,有很多70年代的F1前謂設計,
4個前輪是Tyrrell於76至77的P34
而後輪單軸雙尾輪是Ferrari 312T2 於1977年的試驗車
可變前後翼是lotus於60年代末的購思,後來因前後翼脱落道致意外而禁用,
還有後期用的雙車軸4尾輪,是March於76年的一部試驗車出現過

果陣時，差不多每幢大廈外牆都會見到好多天線引線由天台垂到每家每戶個窗口再入屋.......

而家ｄ大廈大部份都用公共天線，但有ｄ舊區o既舊樓，仍然可以見到「百線垂立、千線萬縷」呢個現像....

    

「金鷹義」套野入面有「０級方程式」(Formula 0)，有八個轆！

patmb兄,我都是在7層公屋長大,「百線垂立、千線萬縷」呢個現像都勾起我不少的回億