Benny Hill 呀嘛！  香港叫「不文山」！

我係香港反而無睇過，以前係加拿大就有睇，間唔中有露乳鏡頭o架！  Benny Hill Show 入面，佢地無乜野講動作多多果ｄ就好好笑，但一到猛咁講果ｄ就唔多覺好笑，可能係文化上差異，領略唔到英國佬幽默。

以前許冠文搞果輯電視節目「雙星報喜」，應該係從 Benny Hill Show 度偷橋，因為兩個節目 style 極之接近。

[ 本帖最後由 patmb 於 2009-2-16 12:27 AM 編輯 ]

Benny Hill 嘛!  好多時玩食字, 有一集個大波記者心口有個badge, 寫住 "PRESS", 佢真系一手按落去
另一次佢系酒吧話人偷左佢個銀煙盒, 問佢有乜證據, 佢話我刻左個名系個煙盒度, 唔信你可以睇下, 刻住"Sterling Silver , D 英式 Humour 系咁上下啦

有一集，Benny Hill 扮中國人被人訪問，個名叫 Chew-Wing-Gum.....  回想起來，當時佢個頭梳個毛澤東髮型 (就咁向後直梳到尾、用髮腊膠住果隻)，而家諗返起，佢成個江澤文咁樣 (當然當時江澤文仍未浦頭).....

後來的mr. beam 戇豆先生都貫徹其英式幽默, 以支體動作和表情來代替語言以引人發笑......

訓左一晚, 今朝又諗起有部日劇係講打棒球, 絕招叫 "七彩滾球" , 大家有冇印象??

另外, patmb 兄好似好 nike 新籐惠美的小狐仙, ( 定係掉番轉頭講呢 ....的新籐惠美 ) 記得主題歌頭兩句音 :
"拜擺吔  霸霸啦霸霸啦....."

青春火花主題歌 :
" Vee哎斯Tee噢呀勞歪 , 殺極唔爹, Vee.... " 我估手指作出V手勢, 係咪由它開始呢?

日劇講打棒球，有印象，劇名就唔記得 lu，但我記得主角人物個名叫「宅村純」(咁上下讀音).....

我唔係特別鍾意新藤惠美，但佢後生時個樣都幾靚女幾 sweet o架：
[attach]264257[/attach]
不過後來佢三十幾歲時，去左拍情慾片，其中一套「狂情」係同雙花紅棍陳惠敏拍檔......
[attach]264258[/attach]

呢度有「小狐仙」首歌聽：http://www.youtube.com/watch?v=bci9qDZbV2M
而家聽返，覺得佢唱到好似呻吟咁，好有綺妮感覺......  

" Vee哎斯Tee噢呀勞歪 , 殺極唔爹, Vee.... "  <----  咁都比你記返起！  
其實最開頭係唱七個英文字母："V... I... C... T... O... R... Y...." ，至於 "殺極唔爹" 就唔知佢唱乜 lu.....
最記得佢地成日棟起兩隻手指「Ｖ」.....  從此香港人就經常咁做......

[ 本帖最後由 patmb 於 2009-2-16 03:51 PM 編輯 ]

我係車友、大家有無記憶以前有套叫神威賽車手、個主角叫”金鷹義”、我個時好迷架、仲記得有個類似Niki　Lauda的角色。

有無ching記得佢地   俺たちの旅
http://www.youtube.com/watch?v=E5MTrXGOyOg
(18禁)

[ 本帖最後由 patrickko 於 2009-2-16 04:53 PM 編輯 ]

《前程錦繡》呀嘛，前面有人提過。  首歌好好聽o架！

「０級方程式」賽車呀嘛！  鬼死咁多個轆......

有呀，我都記得有睇過呢幕，當年係無分級，粵語殘片都睇過露奶啦！當時細路仔，睇到覺得好正！
當時果 D咩紅綠日報（老豆買），新知周刊都好多呢D露奶相，好正呀！！

[ 本帖最後由 timng 於 2009-2-16 05:30 PM 編輯 ]

"殺極唔爹"　的意思是　Sign is V、全句即係　Ｖ,Ｉ,Ｃ,Ｔ,Ｏ,Ｒ,Ｙ、Ｓｉｇｎ  is 　Ｖ

http://www.youtube.com/watch?v=w80OHT6pP2E&feature=related

[ 本帖最後由 winstonm3bmw 於 2009-2-16 06:27 PM 編輯 ]

哦~~  原來係咁！  真係唔該！

我細個時，只聽到係 Ｖ,Ｉ,Ｃ,Ｔ,Ｏ,Ｒ,Ｙ...... xxxxx....Ｖｅｅ.......     xxxxx 同其餘果ｄ就根本都唔知佢唱乜......

我都買左佢張精選《前程錦繡》主題歌曲 AH ,AH,AH... U ME NO ,SA KA MI CHI WA

[ 本帖最後由 pakfunchai 於 2009-2-16 07:46 PM 編輯 ]

我的記憶唔太失禮呢! 原來應該拼音做 : "生意唔蛙"
不過我那個做醫生的舊同學懷疑我係初期老人痴呆症 ----- 越舊才記得, 越近就記唔到!

六, 七十年代長大的多數以電視撈飯, 香港首間電視台是有線的收費麗的呼聲, 記得約廿五蚊一個月, 嘩, 當年屬貴野!!! 無線67年首播由於是免費, 即刻搶左唔少有限的客戶, 因為台係就係免費姐, 但電視機唔平架!!! 我老豆係家電售貨員, 而當年的勞資關係好和諧, 老闆隻眼開隻眼閉, 容許老豆抬部死貨"借"番屋企, 所以我六十年代尾已可以有電視睇. 那部電視機係"擰"台架, 同"擰"收音機一樣, 邊有按制轉台咁先進呀! 家住屋邨, 一層四十伙左鄰右里全部相熟兼守望相助, 同年細路成棚, 一有電視大節目, 幾乎全部細路擔埋櫈仔黎我屋企睇, 仲勁過戲院架!!!   好懷念

時代唔同囉！想起自己當時都係咁令人懷念
講起電視當年屋企第一部,牌子好似叫天王,有四支圓柱形嘅腳同有一對趟門和有鎖,不過成日都鎖住好慘 有機冇得睇！

[ 本帖最後由 戰斧 於 2009-2-16 08:01 PM 編輯 ]

我就係擔埋櫈仔去人地屋企門口睇果Ｄ、不過記得個家人好串、成日趕我地走

不文山本人早兩年 ...........

於 60 年代我係細路時，屋企都有部電視，記得係飛利浦，當然係黑白機，仲記得要係螢幕前面掛一塊藍色膠片，個畫面睇落先至 OK，無左塊藍色膠片，電視原來個畫面會覺得係啡色.......  唔知幾位「同道中人」有無用過藍色膠片呢樣野？

以前最初麗的呼聲係有線電視，要拉 cable 入屋，條 cable 中途有個 switch box，選台要扭個 switch.....