我都冇想過要参加比賽, 所以唔會有限期.
另外, 我從來未試個五日就可以上完色, 冇一兩個月都唔成事.
另另外, 我從未砌過一隻上色的MG, 齋"啪"比個仔就有兩隻.
另另另外, PG, MG, HG, 手辦存貨就好多, 砌好就好少, 因為我以前砌一隻嘢平均要一年.

可動的問題, 側裙甲已解决到, 但前裙甲仍未. 遲D先理佢.

哇。一年一隻...咁咪好大工程~!?
係唔係同個仔玩無時間整je~
我通常星期六/日噴油，基本上兩個禮拜就可以搞掂...(一日六個鐘以上係咁噴...)
上次隻蟹齋噴都八個鐘，未計滲線同後期....
唔知係白卡會搞我幾耐呢?

側裙甲外型大致打磨好.正中一塊加高, 左右各一塊加高及加厚. 未全面打磨好及磨菱邊及追加細致位.
有外型, 但羲牲了活動能力, 除非將關筋節位都更改, 但肯定是大工程

E~玲瓏浮凸左喎
千萬唔會改骨....你會後悔ga..

但係改骨改得好, 外型又靚, 活動能力又高, 好正嫁

但只怕一改番唔到轉頭...
如果要改....plan好晒先...改改下發覺又有問題果陣就麻煩

未決定改唔d骨架, 但係改可以挑戰自已嘛.
依家d活動關節, 真係唔改到果忽, 都唔知有乜阻手阻腳, 好難plan 好

係呀...好大工程ga~
所以好多時我情願係外甲度改好過係骨度改.....
一個唔覺意炒左隻野做定fix post...

如果冇九成把握, 我都唔敢改骨架. 因為真係好大工程.
點呀, 你隻白卡開工未.

唔係唔想開，係無得開...
星期一至五番到屋企都係開緊冷氣...聽日仲要買電腦
希望順順利利禮拜六搞好晒，咁禮拜日就可以噴....

不過要試色先...  諗左一個方法搞d白色，未知行唔行得通..

係乜方法, 講嚟聽聽.

本來諗住買珍珠粉噴係白面既，但係忽發奇想，想試下ex06+ex03+螢光粉紅(要keep住透明，常光粉紅唔可以多..)搞下效果，希望可以做到dd 似珍珠粉效果je~
咁樣就無咁易塞槍同會平d~希望隻ex06唔會令我失望la~(萬事都要試~搵番d扭蛋殼試下色先~ )

GOOD IDEA. 希望你成功並創出 "DANGDANG" 上色法.

要試過先知...
其實我都好想搵大量扭蛋殼做唔同噴法，除時拿上手可以做reference。(尤其是d珍珠粉...有陣時真係唔知會有咩變化發生..)
不過整好左又係有一個問題...無位擺

我會用白色膠片試色, 都好方便, 仲可以同時比較多種唔同上色方法.

一係比我阿媽拿去墊煲底...(E~有塊膠喎~拿去用下先~)
一係就話擺咁多膠片係度，阻住晒~

其實平面無曲面效果咁好。曲面容易睇埋偏光同光澤如何

好耐冇update. 因為整鞋頭整咗好耐, 又試吓圓頭, 尖頭, 平頭, 方頭. 最煩係今次用混合畢地去改, D混合畢地要成日先乾, 改來改去已經幾個禮拜. 到依家都只係做好個基本外形, 仲要做D細節, 然後又要用紙土及原子灰翻多一件做另一隻腳……有排攪

好有心機既改造呀 加油

多謝支持