MG - YMS-15 - Gyan
"強人是你~能飛天盾地~", 基本上每次一砌強人, 個腦都會響起呢首歌. 但係到底係邊個改個強人呢個名俾佢呢? 香港以前的譯名真係九吾搭八. 大魔, 加大魔, 老虎, 勇士, 鐳射大炮等等, 完全吾知點作出來.
開盒製作強人時, 正是小弟紅勇埋尾的時候, 紅勇給我強烈的感覺及製作方向, 令我試下完成幅骨, 令我付出心機去每一個細節. 當我打開強人時, 不預期會有什麼震撼, 不過事實是滿心失望. 平凡得很, 難道亮點就是那柄發光的劍? 紅勇其實係MG 0079中的一個特例, 仔細的骨值得一讚, 係樸素的外甲中都充滿細節. 強人則回歸基本, 樸素的外表, 簡單的骨架, 一般的可動性. 外型, 比例上是不錯的, 但就是平淡了一點.
剪件, 打磨都是"攝"時間時處理, 有時間就做小小, 不知不覺, 又係只剩下噴油, 於是又開下一盒. 下一盒係MSV中的吉姆, 受惠於MG 2.0的骨架, 吉姆又係極其精密. 被2盒2.0夾擊, 強人註定又是小弟快手完成, 無放好多心機的作品.
開始噴油時, 是兩盒MG的骨架一起處理. 強人只是處理見光的位, 很快已經完成. 到噴外甲的顏色時, 去了模型店走了一轉, 想買支淺紫藍色的油. 不過同軍綠色系吾同, 選擇係........零. 真係無. 無量Gaia, Mr. Colour等連一支近似的色都無, 反而水性就有支近似. 問番個店長, 佢話Mr. Colour 有一支近似, 不過無貨了. 最後諗住試下自己溝, 返到工作室竟然發現原來上次行街見到呢隻色已入定貨! 真係喜出望外. 小弟好怕溝油, 因為又驚吾夠用, 用剩又吾知點....
淺紫藍色 : Mr. Colour C370, 陰影 :身的深藍色
深藍色 : 之前用制的油亂溝
黃色 : Mr. Colour C58
深紅色 : Mr. Colour高達專用油UG22
關節 : Mr. Colour高達專用油UG09
老實說, 整盒模型最靚係個盾. 外型比例吾係吾好, 就係無乜特別. 另外, 1/144已經出得好好, 我覺得完全不輸MG, 甚至更好. 奇怪的地方係呢隻強人係上吾到支架的. 不過又軟手軟腳, 想擺下Pose又吾係好多選擇, 1/144都可以做刺劍的動作, MG的可動返而吾好, 好多動作做不到的. MG隻手指跟本捉不實把劍, 個盾仲大問題, 跟本無地方扣實, 所謂扣實的地方係一定會整花油, 同埋隻手指跟本捉吾實. 其實可以參考下RX-78 2.0的設計, 個盾係可以好堅固安裝又吾會整花油的. 坦白說, 佢連HG Revive都不如. 如果吾係0079粉絲, 小弟認為不砌無乜損失.
Full Size Photo link :
https://photos.app.goo.gl/vUYkri7d1WUhMd15A
#Gyan, #GUNDAM, #MGGundam, #Gunpla, #MG
[
本帖最後由 ngszewai 於 2022-4-13 12:51 PM 編輯 ]
分享
