MG - MS-07B - Gouf (2.0)
最近心情不算好. 疫情嚴重, WFH加上減少外出的安排, 都大大擾亂我製作模型的步伐. 如今一有機會噴油, 總想用最少的時間完成最多的事, 感覺自己好像工廠工人交貨一樣.
今年初完成了1/144的0079令計劃, 之後訂了二個目標，其中一個係希望可以一星期完成一盒模型. 目前為止，仍然可保持. 希望內心呢團火仍可保持, 吾好輸俾外在的環境.
完成了高達之後, 又開始另一盒2.0的作品. 今次選了老虎. 選中老虎的原因都好簡單, 因為個盒好殘, 不如快手砌起佢. 剛巧今年是虎年, 2月頭也見到不小老虎的作品, 不過多以HG為主, 不多見有MG老虎成品. 坦白說, 最近一直在砌MG, 剛巧砌的都是高質的MG作品, 幾款的MG在比例, 細節位上都比HG優勝. 真心推介俾喜歡0079的網友. 玩完MG, 大比例的氣勢其實吾係1/144俾到你, 睇相吾覺, 實物MG真係吸引!
說回老虎, 最頭痛一定係用色. 直到我噴油前一刻都未決定到用那2款藍色. 如果太淺, 又驚似B3老虎, 我本身又吾鐘意太藍, 所以一直拿不定主義. 係正式噴之前, 見到呢隻深藍, 好合心水, 之後到淺藍. 開始時試用UG14, 不過UG14本身略帶小小紫色, 噴完一件吾順眼, 都係轉油. 之後用UG02, 正統高達藍.開油都係1:2, 不過可能之前已經開過無寫低, 噴落太稀, 結果要慢慢薄噴. 花了比平常多的時間完成, 之後用番深藍做陰影, 白色做高光, 不過我吾係用番UG02補主色. 因為UG02隻藍太鮮, 最後一層用番UG14. UG14本身遮蓋力比較低, 底色影響大, 係鮮藍色底出來的UG14是非常合心水. 個人非常滿意這2隻藍色的組合. 另外有個發現, 當你第一層油用好稀的油噴, 附著力係極之低, 即係抗括的能力係極之低.....所以有要求的網友都係噴灰啦
藍色 : Mr. Colour UG17, UG16做陰影
淺藍色 Mr. Colour UG02, 跟住UG17做陰影, 白色高光位, 之後噴一層UG14
灰色 : UC09 淺灰色
鐵色 : Gaia-020
黑色 : Mr. Colour UG16 極深藍灰色.
除了用色, 組裝過程非常順利. 同高達2.0一樣,基本上大部份骨架的申縮管都係睇吾到的. 我仔細睇了網上的成品, 將可能見光的都上色, 吾見光的基本上連打磨都懶, 只係用單刃剪儘量剪平, 原來咁做真係快好多. 初時想像個排喉會係打磨地獄, 不過Bandai呢個方法吾錯, 俾定條無用的喉你串起佢, 之後方便上色同打磨. 但本身條喉係軟膠, 想上色都吾係好敢. 同條喉一樣, 條鞭係軟膠, 真係上吾到色, 只可以素組條鞭. 其實條鞭設計非常好,每節只有一個水口位係個關節位, 完全睇吾到. 不過用軟膠真係一大敗筆, 基本上做型吾夠力, 上吾到色. 完全吾知點解用軟膠. 幾款2.0的MG都係外表樸實, 骨架精密, 基本上你點扭正常都係睇吾見副骨. 不過老虎受限於外甲的阻礙, 基本上2隻腳板成日吾貼地. 同埋個盾裝上手臂的方法好吾穩, 加埋軟膠的問題, 其他吾見有乜大問題.
想大膽小小擺多小小pose, 不過調較站姿態已經括花大腳的油, 睇見真係非常肉痛, 仲有加水貼時,用夾推水貼都括花, 所以都吾係好想亂動.
老虎係暫時我覺得HG Revive同MG一樣高質的產品.
Full Size Photo link :
https://photos.app.goo.gl/uzJLKWN7ZUSrLPvC7
#MS07B, #Gouf, #MGGundam, #Gunpla,#MG
分享
