講正經野之前, 提大家去聊天室睇下小弟0079 Project總結! 影得好辛苦架!
http://www.hkml.net/Discuz/viewt ... &extra=page%3D1
MG - RX-178 - MK-II (AEUG) 2.0
完成了1/144 0079之後, 第一隻想組合的便是Super Gundam. 上網睇過2.0是可跟之前的Super Gundam飛行器組合在一起, 所以便購入Super Gundam 一試. 打算先完成2.0 MK-II本體, 之後再組裝背部的飛行器.
雖然係2.0, 不過原來都係10幾年前的產品. 當日石破天驚的連動關節今時今日看來是很普通的事. 從外型來說, 2.0比舊版好. 不過仍未比得上RG. 坦白說, 我覺得RG版的外型先係MK-II中最好的. 開工之前細心閱讀說明書, 最震撼我係頭部分件極差.....主體除頭部都無地方要做無縫, 不過支槍同炮就.....基本上如果支槍同炮要做無縫, 一係你遮蓋做得好好, 一係就自己分件. 我今次就試下自己分件. 我一路諗點搞, 一路覺得設計呢部份的人應該係吾砌模型的, 咁樣分件, 點處理無縫? 無論係個頭定支槍同炮, 條縫都好粗同明顯, 用膠水溢出的方法完全吾得, 唯有用畢地一試. 搞完一輪都仲係見到條縫, 講真都幾沮喪.
上色方面, 噴個時先知用開隻紅色用晒, 但又即時買吾到, 唯有轉用另一支更紅的. 黃色則轉用橙色. 模型本身的骨架用了紫灰色, 我覺得原本的成色太紫, 我用淺灰代替. 而小部份骨架的件則噴上了槍鐵色作為點綴. MK-II特點之一的動力管則用了銀底加透明紅的噴法. 吾知點解, 最近的MK-II 好似已將本身的深藍色改為接近黑色, 今次我就用番深藍色. 吾知大家覺得點? 腳後方, 背包有幾條動力管, 本身係紫色. 我砌RG個時已經好想改為紅色, 不過個時未搵到呢d網織紋的線, 之前偶爾發現日本有出, 淘左來試玩. 原裝個條望落直徑同我條2mm差不多粗, 不過原來我條線好厚, 套吾落. 結果用了3mm先成功安裝, 所以大家可能覺得條管粗左. 單單係組裝呢幾條線, 已經花左2小時.
上完色開始組裝, 除左之前改動力管用好多時間, 其他方面吾大問題, 不過就有點難裝, 好多都要出盡力先裝到, 仲整花左小小......雖然關節好緊, 不過整體感覺又好似好吾實淨, 呢個感覺好奇怪. 未滲線之前, 真係素得好緊要, 直頭覺得吾靚. 滲完線加手油補油完先好看點. 跟住又分幾晚再加水貼, 我發現我真係吾可以一次過加晒全部水貼, 只可以每次加小小, 加水貼實在太沉悶. 係加水貼的過程中, 有用番原本送的一張括貼. 呢張括貼勾起我吾小回憶. 以前細個, 吾識用水貼, 買盒模型番來有乜就用乜. 當時自護個種徽章用括貼真係好正, 吾似膠貼大大個膠邊同好厚. 括貼真係只有我呢類老鬼先玩過. 我係FB出左個關於括貼的帖文, 意外地有好多回響, 証明原來真係有好多老鬼仲砌緊模型. 就我自己來說, 我係好鐘意用括貼, 因為效果好好. 但佢零容錯率同佢只係適合係平面同好複雜的圖型, 如果四四方方一個圖案, 用水貼易處理好多.
整體完成後, 覺得塊面太白, 其實已經吾係第一次發生類似的情況, 真係要正視一下. 由於已做無縫, 拆吾到出來再噴, 只可以開琺瑯油手油. 另外由於個頭條縫幾粗, 用完膠水溢出吾得, 用埋畢地. 不過佢係頭頂2條灣灣的刻線附近, 結果畢地同打磨整"斷"條刻線. 佢又係灣位, 徒手又刻吾掂, 最後放棄, 只可以由佢"斷線"
花了好幾晚的後期工作, 真係幫盒模型加吾小分. 而家越睇就越靚. 吸收了上了拍照的經驗, 我知道用腳架加打燈的重要性. 不過越搞越多"架生", 單係影相開檀都要花吾小時間. 可能以後儲埋幾盒先影一次相.....
吾知點解今次噴油總有點力不從心的感覺. 好似噴極都噴吾好咁. 剛巧最近疫情嚴重, 心情也不是很好. 希望疫情儘快完結, 可以過番正常日子.
完成了MK-II後, 無乜心機搞飛行器....希望吾好爛尾啦......
Full Size Photo link :
https://photos.app.goo.gl/ydjhg2YuTLg5oyHL8
#MKII, #RX178, #MGGundam, #Gunpla,#MG
分享
