ngszewai
少校
 
UID 4770
精華
32
積分 160
帖子 2323
成品數目 160 件
閱讀權限 10
註冊 2005-9-17 來自 HK
狀態 離線
|
|
|
HG MSN-100 百式
在整個高達世界中, 有一隻MS係我心目中係非常特別的存在, 如果要選我心中最喜愛的高達, 佢一定係第一位, 佢就係百式.
以前家裡很窮, 係非常的窮. 一盒玩具可能係玩成年. 仲有好多都係2手玩具. 記得小時候我有一隻黃色的機械人, 對小朋友的我來說, 佢係非常巨大的的機械人. 我已經吾記得當時係吾係因為我生日, 媽媽送我的禮物, 總之, 當年1985年出的1/100, 對小朋友的我來說是珍貴無比的禮物. 我而家跟本吾記得盒件係吾係我砌, 定我阿哥砌完比我, 我只記得我珍而重之的玩, 爛左又痴, 又成日拎住. 我媽媽係1986年底離開了我. 呢隻1/100的百式亦係我心中留下不可取代的地位. 遺憾的係經歷過吾知幾多次搬屋後, 亦吾知邊次搬屋掉左.
我細個無認真的砌模型, 出MG之後, 有一段時間砌左好多素組, 大約十多年前, 我先認真的上色, 去學砌模型. 若論我砌最多的高達, 一定係元袓RX-78. 因為每次新系列都係第一個出佢. 我絕大部份都有砌. 由以前素組, 劃線, 到之後學上色, 完成過的模型最小一二百盒. 但只有百式的模型, 無論什麼比例也好, 好像只係砌過一盒, 就係媽媽個盒(我都吾知係吾係真係我砌). 我自己都吾知點解無砌過百式, 每次我尋醉於模型時, 我都想砌百式, 但時間總係吾夾. 其中一個可能係我吾鐘意反光的電鍍, 自己一直對金色又吾在行, 又可能Bandai吾係太鐘意百式....
今次我又砌番模型, 係2個月前我已經揾百式, 最後终於買到HG Revive, 而MG2.0係一早買左. 係我玩完SF, Gold AstrayHANA之後, 噴金色都有一定經驗, 係時候砌呢一盒HG MSN-100了.
今次開盒, 同RG最大分別係分件無咁碎. 小好多無謂分件. 但膠的質素真係....其實我情願佢出黃色, 而家金吾係金, 黃吾係黃. 吾上色點見人? 上網搵好多參考, 我個人偏向冷小小的色, 即係俾香檳金更淡小小就合心水了. 但網上好多作品都係好金....吾計金到好似電鍍咁反光, 但好多作品都係偏橙, 偏紅的金. 好多高手的作品吾係吾靚, 但我總係覺得差小小. 當中有好多更用上鮮紅色. 其實UC0079-0087的年代, 馬沙的戰機都係深紅加粉紅, 無用鮮紅的! 所以配合我淡淡的金, 我會用揸古上身的深紅色. 藍色則用上Titan 藍, 近黑色的.機械用淺灰
金屬色我吾會搞陰影, 但感覺有點寡, 想試下好似搞分色件, 但上網搵吾到例子. 於是膽粗粗自己設計. 基本的金色係比香賓金更淺小小的雙星X12. 說來真係吾好意思, 之前以為佢用enamel開油水, 溝左X20A, 結果係發覺錯左, 而家再加油性開油水, 反而溶埋一齊. 都吾知亂溝2隻開油水對最後顏色有乜影響. 總之而家顏色上我算滿意, 但摸落鞋鞋地. 跟住開始包膠紙, 分件噴星光金. 噴完之後, 再一次覺得星光金真係好靚. 有點想噴一隻星光今的百式, 最好係噴埋消光. 因為我對光面的高達一直有點抗拒. 講番個分色, 小弟覺得效果強差人意 我覺有點太多了. 應減小一點以及裙腳可能做細點. 於是有好多件又噴多次淡金色, 將星光金的比例縮小, 整體感覺好好多. 有好多網友建議係分色件的邊加刻線, 吾係無試過, 工具又買晒, 但刻3刀條條都吾同位....真係有點怕, 正路上色前搞. 噴完先搞真係吾係好掂. 設計如何加線, 分件真係吾簡單.
整體來說, 係一隻設計好, 分件好, 比例好的模型, 勉強要說想改善的地方係好寡. 好似沙剎比咁, 大大件但全隻紅色好悶. KA版重新設計之後即時upgrade左. 我覺得百式係時候需要一個新design. 不過bandai其實好似對百式吾太喜歡. SD(200號以後都無), RG, PG都無. 作為Z高達3個台柱之一, MK-II, Z都係乜系列都齊. 只有百式吾係. 坦白說, 絕大部份Gundam都係不停改, 不停改先有今日的樣. 你睇下SF就明. 今日RG版同最早期HG真係無得比. 但百式真係無乜點改過..... 只係反覆玩電鍍等等. 當呢盒HG同RG放埋一齊, 會真係有點吾夠精細的感覺.
終於完成了第一隻上色的百式.
PS : Full size photo link
https://photos.app.goo.gl/PwMsFEw7LzhqmQc49
[ 本帖最後由 ngszewai 於 2020-7-6 12:49 AM 編輯 ]
 附件: 您所在的用戶組無法下載或查看附件
|
FaceBook Album :
https://www.facebook.com/profile.php?id=100050400941878
相片集
https://photos.app.goo.gl/1prkL2BYZJxV4WEv7
|
|
|
分享
