Gundam ZZ，喜歡高達的朋友，相信不會不認識吧？而無論機體或動畫，都是宇宙世紀中，最具爭議性的作品。
經過Z Gundam過於悲慘的劇情後，製作團隊一改風格，變得輕鬆攪笑和子供向，然而，戰爭的反思、高達系列最為人稱譽的軍事真實感都被抹去，這引來很多高達迷垢病，最終有關方面也作出相應的調整，可惜有點太遲，很多劇情都不夠篇幅交代，特別是古利明．托托叛逆這條後期的主線，在動畫裡差不多是突然而來，沒多少前因後果；而雪拉(馬茜)再現，卻完全沒有交代一年戰爭後她的去向和對哥哥沙亞(馬沙)所作所為的看法，也實在是很可惜。







機體方面，ZZ Gundam可以說完全是為了Bandai生產玩具賺錢而設計。接近超級系機械人式的分體/變形，老實說，本人就接受不了，而頭部的米加粒子炮就更加是敗筆中的敗筆，基本上，只要一開炮，整個頭顱肯定會溶掉，相信製作團隊也看得出當中的荒謬，所以動畫裡也沒發過多少次(笑)。不過，經過年月的沈澱，和惡夢般的Turn A Gundam/Gundam Age，現在再看ZZ Gundam，倒也不算太差，反而有一種硬朗的氣派。







說說這次的製作。套件是VP，現在改名為MS-Build(*1)的南韓改件商設計，而他們其實還有另外一款瘦身版ZZ Gundam Extra Fit，不過左看右看，還是這個版本比較對口味，所以最終選了這款來做。
這次的套件需要用上Bandai MG ZZ Gundam的零件，經歷過上一次製作VP Z Gundam的慘痛教訓後，絕對不會再使用翻版骨架，在拍賣網找來了一盒MG ZZ Gundam。收到後看看盒面設計和關節、造型等細節，看得出是已有一段時間的設計，翻查資料，果然是十多年前的產物(1999年12月發表)，心裡已涼了一截，因為那時的生產技術和設計都沒法跟近年的相比，加上ZZ Gundam本身的設計為了達到分體/變形的目的，可動性已經相當有限，最終..... 作品完成後基本上只能就這樣的站著，沒多少pose可以擺出來......







這次的製作還有一個失誤，就是用錯了金屬噴射器補品。ZZ Gundam的背包是嚇人的巨大，當然，也就是說有一定的重量，再加上大型金屬補品，更加是百上加斤，幸好製作時已預先調教過關節的鬆緊，總算勉勉強強可以不用支撐就能站著而不會"腳軟"。另外，這套件的巨型二聯裝光束步鎗也是敗筆，雖然看上去很帥，但它是樹脂件，就是說根本重得不能抬起來.........
最後，來個評分，這次我給自己80分，稍稍高了一點，原因是製作速度有長足的提升，整個製作過程只用了一個半月，而且當中有兩個星期是用來做後期(滲線、貼水貼)和料理那柄超麻煩的光束步鎗的，不得不讚一下自己 :)


*1：MS-Build，前身是VP改件商，不知甚麼原因，他們內部幾位模型師分家，現在變成MS-Build和W+r兩間獨立的商號，VP年代大部份的產品由MS-Build繼承並銷售下去，而W+r則繼續開發新Extra Fit系列。

同場加映，等了廿多年，親手製作的手辦Z+ZZ夢幻合照！！




[ 本帖最後由 skyz 於 2012-6-27 02:22 PM 編輯 ]

上色好正，乾淨靚作，滲線有心機，
水貼好正，是跟改件的嗎？
我最鍾意ZZ Gundam，夠強悍
故事方面我無咩問題，最緊要打得夠爽，Z Gundam太婆媽了

[ 本帖最後由 robotkel 於 2012-6-27 02:56 PM 編輯 ]

水貼用咗隨件附送+另外買+之前用剩嘅通用水貼。故事方面其實後期唔錯，只可惜頭十幾集真係好難頂，見到日札攪成咁都"鄧"佢可憐..........
另外，後期有好幾款機體都好正，可惜Gundam ZZ係為人垢病嘅作品，命運同V Gundam/Gundam X差不多，好彩有Gundam UC，總算有一兩款可以重見天日。

ZZ Gundam內的機械設定肯定係最多姿多采，唔會隻隻都係高達......悶死。

AMX-015 Geymalk都唔知笨大幾時至肯出HG.......


[ 本帖最後由 robotkel 於 2012-6-27 04:44 PM 編輯 ]

AMX-004 R-Jarja都未出............. 其實隻Geymalk有出過去/144 手辦，都幾靚：
http://blogs.yahoo.co.jp/monmon5657/archive/2009/08/03

反而R-Jarja只曾出過B-Club 1/144手辦，仲要勁樣衰.........

整得好靚, 支持支持!!

靚作. 支持一下.

zz 既故事方面, 唔知各位有冇睇z既電影版? 個ending加美由冇傻到, 咁zz味開唔到頭?

當年不喜歡, 現在看還不錯, 又是因為新不如舊 ?

不過以機設而論, ZZ 的確是百花齊放,多姿多采

富野話佢嘅"劇場版7部作"係正史(Gundam I/II/III, Z I/II/III, 馬反), Sunrise好明顯唔同意, 因為現時嘅UC年表都有包括ZZ同埋Sentinel(聯邦先鋒戰)嘅事件.

從細節上, 可看出樓主花了不少心思(看看每條滲線位)

但顏料色澤方面, 為何會偏「膠」呢?

其實係金屬色(藍)同珍珠色(白)，不過攝影器材所限(冇適合嘅燈同反光板)，所以.............

ZZ嘅機械設定係由四位頂級設計師(永野護、出淵裕、小林誠、明貴美加)先後參與，可以講前無古人，後亦好難有來者。

其實可以扭一扭橋，話加美尤冇傻到，但受咗重傷都可以，反正ZZ初期故事都係拖拖拉拉，哈曼加突然變咗廢柴，查拉迅同馬士文基本上都係攪笑角色，完全感受唔到捷度同班細路係晌危機之中。

所以我就係覺得奇怪, movie個尾加美由精神到爆又冇穿冇爛..........

不過zz既機設其實真係好正, zaku 3, gm3, baowoo等都係好野.

劇場版唔係正史, 係嘅話套Gundam UC都唔會成立.