【零售寒冬】林偉駿：日圓升上7.5 阿信屋要執30間

759阿信屋今年計劃結束15間店舖，包括759阿信屋及Kawaiiland，不過，隨著日圓持續飆升，母公司CEC國際（759）主席林偉駿大叫救命，指日圓飆升影響大過加租，一旦日圓重上7.5水平，全年執笠數目會由15間增一倍至30間分店。

他指銷售氣氛轉淡，對市道的信心開始下跌：「上個月問我，我都太聲啲話無問題，今個月就唔得啦」。他續稱，經過復活節、清明節，發現節日銷售由較平日多一倍，縮減至多20-30%，與閒日分別不大，零售淡季已殺到埋身，相信未來一年都要力守，預期截至4月底止財年有能力按年持平，不過，新財年「難講啲」。
他指，個別店舖在同區多間重疊，經營效益差，不應在淡市中「夾硬嚟」，例如阿信屋在黃大仙、美孚等港鐵車站及屋村都有多間分店，「自己打自己」，所以今年計劃結束15間分店，總店舖數目由逾260間縮減至240間。
除了店舖效益，林偉駿坦言，日圓及歐元飆升影響，「殺傷力仲大過租金」，日圓現時有機會突破7.2元，若日圓重上7.5元或更高水平，日本貨繼續加價，將「無晒吸引力」，全年執笠店舖數目由15間增至30間分店。日圓長期處於7.5水平以上，最近要數回19個月以前，即2014年8月。
以目前環境，阿信屋將維持兩星期一次的折扣日，他指市民在淡市中希望買平貨為「合理期望」，故會致力尋找新貨，提高利潤率，舊貨則繼續享折扣優惠。

http://hk.apple.nextmedia.com/realtime/finance/20160411/54972800

正常,有好多間都好細又冇乜人行

小耕戶d野係平好多 . 其實日元升上10算都一様咁做法, 果陣仲無咁多折扣tim .
只係果陣急於求發展 , 越開越多 . 而兩大超級市場集團開價一直無變..
市道唔好都講左好耐 , 呢幾年人心不隠就係嘅 , 有money 嘅出外消費 ,
no money 嘅無乜消費意慾 , 始終零食唔係必須品...

我覺得如果因為某貨幣升跌而令公司需要關上其他分店, 咁一開始佢個發展計劃本身已經好有問題. 其實我自己都有去759買野, 不過我都覺佢某d地方分店太接近, 可能2樓一間, 3樓又一間, 根本無需要咁多分店. 貨幣升跌根本任何時候都會發生, 有升又有跌, 做計劃時點都要考慮長遠d吧...

另外歐元飆升?? 之前一蚊歐元對差不多11蚊港幣, 依家都係8個幾~9個幾咋喎, 咁都叫高?

唔知大家有無留意到，近一年佢地入貨種類無初頭咁多？

匯率上落，唔係第一日有，咁大盤生意，無可能話無作好準備掛？

受惠自由行，一下子開多咁多舖，但同匯率一樣，自由行都會有上落嘛

短時間大開分店, 可能只為催谷759股價

方丈 我鏈 文憑試 中文試卷一 閱讀理解  都有問題!!

我 方丈 注視要點:
[ 上個月問我，我都太聲啲話無問題，今個月就唔得啦」。他續稱，經過復活節、清明節，發現節日銷售由較平日多一倍，縮減至多20-30%...]

你們 有無縮...

[ 本帖最後由 kck22 於 2016-4-12 04:17 PM 編輯 ]

我覺得佢做大左反而無以前咁吸引..
以前會入D日版零食飲料，特別版零食，宜家.... 無吸引力叫我入去囉...

同意, 間舖大大間,但種類鬼咁少.

我只係幫趁佢買可樂咋...

最深刻係有合味道版高達杯麵...