我想問問，因為好耐冇放過成品。同埋好似個成品區個邊好似對「素組」有新定義。
咁我就呢幾隻為例，算唔算素組？











[ 本帖最後由 stomata 於 2012-6-27 11:39 AM 編輯 ]

算係素組了

只得小部分補色,畫線

最好主體上過色

嗯，好彩問問先，我之前post 果D 「成品」好多都係呢D 咁
只係噴左消光同有D乾掃左

其實hobby等雜誌常介紹活用成形色, 簡單處理已經很美觀, 個人覺得有補色劃線和消光已可算成品了,
BTW樓主幾隻成品好靚呀

原來素組校果都可以咁靚，由其係神龍！

why not 設一個素組區呢?

如果設立素組區,d人就會po哂d素組作品係果到,
唔會諗住想po係成品區,直接減低大家學到新技術的機會[個人見解]

而家D MG，畫左線，貼水貼，噴消光就好靚。
不過最新果D （艾比安，Rexel果D）幾多夾口要補下，補左之後就好OK。
所以如果唔咪好憎隻色，我都唔會全面噴。
好彩冇噴WING 個藍色，噴左就唔襯之後會出果D OVA 版既沈色啦∼

不同意.

有心上進一步發展既自然會去上色. 如果只會停留係素組既, 有冇得出成品post 佢都只會繼續素組.

我都曾經同其他模友講過素組區, 的確可以俾到d 素組朋友出post 分享作品既喜悅.
但同樣地, 素組平身只係純粹跟隨說明書上照做, 出來既作品基本上係冇技巧, 風格. 咁開1000個post 都係睇大致一樣既野真係冇咩意思lor.
(而且, 要睇 b記同壽屋既素組, 上 dalong 得啦)

我只係想攪清楚，係咪真係唔完全上色就＝素組者。
者係打左磨，補夾口，上水貼，加刻線，畫線，上coating，乾掃， 呢D 做晒只要唔係完全（or 少過50﹪）上色都係素組？
或者只係完全（or 50%以上）上左色，唔洗做以上任何野都＝成品？
我明版有版規，我唔係質疑個版規，我只係想知清楚，咁我一般果D 就唔post，全噴果D 先post 啦。

以「HKML」版規來說,為「素組」一詞立個文字上的定義,行動上不難,但往往潛在十分多的灰色地帶...這個問題不時都會有討論,就小弟而言,也解釋過不知多少遍了...

例如,依照呢個帖既內容,在「製作過程分享區」的話,倒不如在「模型友聊天室」或「公告問題查詢區」發帖會來得更合適...所以一般情況下,我們的處理手法,是把帖子移到合適區域,而判斷上亦是由版管處理...

說回「定義」方面的問題,試從兩個方向探討一下:
========================================
A. 究竟怎樣才不是素組呢?

100%上色就不是素組:
民用車的成品有麻煩了...檔風玻璃,車呔...等都沒有上色...不算100%,有金屬補品,又不打算為補品上色的又不算成品...

起碼佔8成左右上色:
怎樣計算?要先拿成品去作量度嗎?合格才批準在成品區發佈?

要有改造,起碼補過夾口,處理過分線等等:
油兵仔/頭像的可能會有麻煩了...有些分模線是不處理也看不到的...
改造?有必要才改造呀...夾口?沒夾口的又點樣計?

B. 究竟怎樣才是素組呢?

完全無上過色,齋o拍埋就算:
這當然是素組了,但依然會有例外,例如有些模型是全金屬製,只需要組合及打磨...全隻蝕刻片飛機/火車模型便是一例

有處理剪口,夾口等,有滲/畫線,有上貼紙/水貼/刮貼,有消光:
只貼一個貼紙算不算?漏了一個剪口沒處理.漏了一條線沒有滲,又算不算?

局部上色都叫素組:
怎樣計算?
========================================

開個「素組」區係咪可以解決到問題呢?版管有討論過...但其一是素組的定義是很難搞清楚. 其二是進入跳蚤市場跟「成品」數有關,所以這並非開了一個新區就可以解決問題. 其三是讑壇方向,方向是「鼓勵製作」而不鼓勵素組,不管現今的模型生產得多精美...「模似真實」是模型本身應有的表現,製作模型,不論題材,某程度上都跟這個方向脫不了關係...

例: 就以「上色」這一項為例....沒有好好處理,消除那「塑膠」的感覺,是因為沒有做? 還是做得不好?是兩碼子的事...沒有做,應該不能看為「成品」...有做 (例如只噴消光),用任何一種方法去處理「塑膠感」,那就是有「模似真實」的製作「動機」了...但不能單純因為「噴左消光」就等於成品...

所以要去下定義,成品也好,素組也好,絕不是單單寫幾條版規,或者登幾張範例相表示就解釋得到...曾經有不少人為了入跳蚤市場,匆匆發幾隻「成品」然後放貨,為著「成品」定義上嘈吵過...所以,總壇規第16條是這樣寫: 「任何違例及犯規之處理，總壇規及分類區之規則及各項定義，壇主及所有版主擁有最終決定權及解釋權，會員必需服從，不得異議。」

呢啲所謂活用成形色嘅成品，只係體現咗廠商生產工藝嘅進步，而唔係製作者技術嘅進步，志在氹自己開心就冇問題，但觀賞價值就不高，更遑論技術嘅切磋同交流了。成品定係作品，我覺得分野就在於製作技藝嘅投入。

唔該晒版主幫我移左區。我放左貼果下都覺得係放錯區XD 唔好意思

其實某程度上係廠商吸引新手玩家加入砌模型行列的手法之一

如果套件本身單色,未必個個有興趣嘗試製作

如果想製作更精美成品就有待自行發掘了


近年來雜誌除左刊登最新模型範例之外,亦會有簡易製作教學

雖然質素同範例有距離,但會吸引新手嘗試.

[ 本帖最後由 woo 於 2012-6-27 03:28 PM 編輯 ]

我想強調一下。
我發呢個貼唔咪想幫素組變成成品。亦都唔係想幫只素組既人入買賣區。
我只係想攪清楚邊D 可以放上成品區。
所以唔該晒matleung 兄既解釋。

近幾年因為工作，生活上太忙，唔好話上唔上色，乾唔乾掃，連砌模型既機會都少左。
所以有好幾年因為覺得只係咁做左D 基本野，噴左消光砌起既模型，覺得好似唔似「成品」而冇放上唻。
同埋見成品區既師兄隻隻都有噴晒陰影又改造咁，所以就更加唔多想放上唻獻醜。
岩岩買左套 Sparmax 噴槍同泵，等我噴起一隻先post 上成品區啦∼

無緊要, 有問題搞清楚係好事來麻.

其實, 有規矩就自然會有人想去衝激, 可能係為自身利益, 可能純粹只係反社會.
理由係乜, 管唔到亦理唔到亦無須去理.
只係, 當一直行之有效, 大家亦認同既事, 就冇須要為變而變.

又其實, 所謂"成品定義" 就同美國最高法院法官Potter Stewart係1964對有關 "色情" 既界定好相似 --

"I Know it when I see it" >>http://en.wikipedia.org/wiki/I_know_it_when_I_see_it

係唔須要死硬硬咁定的.

支持設一個素組report區

小弟在 模型最新情報站 看到一些素組report 很正,還可分享素組作品既喜悅.

不過 模型(最新)情報站 是最新模型吧

買模型時可以看一看不錯把^^*(當然可以在其他网看,但自己友對同一素組品可能有的不同分享)

邊D 算素組問題可以用.
1.本區只接受<完全塗裝模型成品>&<完全塗裝+改做模型成品>不接受<素組模型成品>&<素組+改做模型成品>字眼來解決

如果 素組report區 不如 去其他newsgroup

http://news.newsgroup.la/?utag=& ... 2&x=20&y=10

問邊度有 _ _賣的難民問題區都唔開

---
step by step砌的話
ot 【連載】レシプロ戦闘機の頂点・フォッケウルフ Ta152H-1を組み立てる【第02回】
http://ga.sbcr.jp/mplamo/016702/

[ 本帖最後由 alexlee2 於 2012-6-27 05:11 PM 編輯 ]

可能我上面既回覆你無睇清楚...

根據你的提案,我再引申一下當中既問題...

完全塗裝模型成品
車呔/檔風玻璃/車頭燈/雷射槍上既瞄準器/攝像器/燈/金屬噴射口/金屬天線/渣古腰間的喉/高達的雷射劍....這些都一定要「上色」嗎?若果不用上色,那又如何介定「完全塗裝」?

完全塗裝+改做模型成品:
改造是模型製作必須的嗎?若原套件已有極高的原成度,那是否變成「因為要成為『成品』而為改而改」??那麼,油兵仔的就麻煩了...

另外,素組既定義點介定?

素組區要設立並「絕對」不可行,...但對於「素組」方面,若大家沒有一個大約的共識.那只不過是制造多一個容易爭執的事端.然而,介定素組現今是非常不容易的.

就版管而言,斷定為素組的作品,通常會由成品區移去「模型友聊天室」,那兒一樣可以作為分享素組作品的區域.所以,並非一定要在成品區才能發佈的.

對於我黎講，「素組」是指將模型盒內的東西，無經過加工，直接砌出來。

若經過加工的話，就要用另一個 terms 「完成度」。若只是磨了水口、噴了消光、貼上貼紙的作品，是「完成度」低的作品。相反，做晒所有基本功，又改造又噴油，則可能接近完成度高的作品。

而HKML是一個可互相分享、交流、學習的好地方，將成品要求水平提高一點，最後得益者也是製作人，何樂而不為。

[ 本帖最後由 char_aznabule 於 2012-6-28 02:12 PM 編輯 ]