小弟細細就中意砌高達，好想開間模型店。但系唔知道去邊度入貨？有沒同行大佬教教細佬啊？

d行貨同水貨價格系咪真系差好多啊？仲有，點區分行貨同水貨呢？系咪睇俱個盒度有沒貼紙？

其實小弟我系大陸人來既，宜家在深圳開緊淘寶網店，都有見好多港人過來買國產模型@@例如超魔神，
亦見到我既上家跑到香港入模型。所以未想問下大家香港邊度入模型便d咯。

我宜家都有穩到d大陸批發商，宜家羅到最好既價格系48~49算（人民幣）。但系淘寶一般都賣5算。計賣d羅貨運費，一盒先得5蚊咋。

我林，香港d模型行業咁發達，又有甘多人過來呢邊羅貨，再加上香港鋪租咁貴，如果一盒模型先賺得十幾蚊，真一日要買百幾兩百盒先夠開飯啊。

我啉香港應該都系有好好既渠道既。

[ 本帖最後由 aslan2k6 於 2013-5-23 07:54 AM 編輯 ]

除非你財雄勢大，你係屋企嘅富二代，唔好當係要搵飯食，否則當諗下算罷。

行貨
賣幾多都比睡橫行要你硬食既死貨拖住
水貨
就真係唔知邊度入得平lu

幻想下幾好,實際好很可拍.

你想賣什麼類型模型先．如笨大模型可以同”睡橫行”攞貨但據我所知係你要有商業登記先得仲係好多要COD貨到收錢,而模型大概批6.8算，玩具（聖衣神話，超合金魂過類）就大概7算左右啦!現在好似每一類型模型都可以入一隻，十幾年前我開鋪就每一類型要一打先會批呀！另外深水埗精品都有做批，但價錢就不太清楚．現在同你分享下我十幾年前開鋪心得，大概伙93~94年到，當時我用咗十一，二萬到包括鋪租，裝修，入貨，因為當年我只係鐘意高達剩係賣高達模型（唔熟唔做）頭三個月都可以賣下啲家產（以前儲落）但之後就不是太順利結果當然係關門大吉（做咗不足一年）結論係做模型係要多元化同係要不要想著一開始就有錢賺係要守一段時間，仲有要對這行有一定認識否則人人入什麼貨照跟就不好啦！仲有提醒下你，好賣貨人人都識入，但不好賣啲貨邊嗰要啦!祝你好運！

邊度批發都唔知? 你賣益力多 可能好D.

發利隆
http://www.toysdaily.com/discuz/thread-145920-1-1.html

[ 本帖最後由 alexlee2 於 2013-5-22 11:45 AM 編輯 ]

樓主都冇講話係開實體店定係網店

當年就係有幻想”我就是高達”結果就輸掉十一，二萬不過都係一個十分難得經歷．唔係當年幻想就不會有”今天的我”出現

[ 本帖最後由 新高達 於 2013-5-22 11:54 AM 編輯 ]

介紹比你等同推你去死

我唔會害你的

搵錢艱難呀樓主,要開都唔好呢個時候開,搵埋都唔夠比20%租...

做每一行之前應該做個風險評估自己可以承受幾多當年我開鋪個事，灣仔松峰模型老細都有比好多意見有啲批發電話都係佢比我也同我講這行不容易做，但我都有做的確不容易做呀！都係一個經歷呀！

十幾年前十幾萬都可以做一年半載，现在就半年都勉強，
模型同租金都贵左成部。

真係要做可以網上賣
雖然交收可能煩D
但唔駛租金可以有機會捱耐D

當年93年要買高達模型都好貴要10算起，記得當時係得權記同發利隆係大批發返貨好慢所以就出現水貨商或找人由日本寄貨返來賣（最有代表係原宿模型）我記得當年有隻BB N054(好似）將頑駄無二代目500日元要賣250港幣（當年係八達模型見到）但又真係有人買真係一山還有一山高呀!當年我都係這兩間模型鋪追隨者呀！現在我大部份舊版或抽選版模型都係同佢地買呀!

松峰模型是否(合和)行前,未到金鐘那店

現在剩係賣模型鋪頭不多因為利錢太少，一盒HGUC模型賺8~10元，一盒MG都賺20~30元每樣返一打賣剩一隻都要輸，比較賺錢係聖衣神話,超合金魂等有20~40%利錢所以係拉上捕下．一係就好似英明，偉利咁什麼類型都有得買但價錢就．．．．

無錯！當年92~93年我係佢做員工每日出糧都係同佢賣模型有事仲要補
錢比佢，當時仲有其他同齡朋友一起玩係佢個倉（樓上）理貨，日子過得好怏也是一個十分難得經歷呀!

9A…揸巴士？？你點簡！！！

坦白講模型市場在香港都算是已飽和, 門市是幾間大公司,  批發行唔多, 貨又差唔多, 入水貨要做到 "唯我獨尊" 一d都唔易.
租倉做辦公室+倉存+網訂+零售已有人做緊. 做得好唔好我唔清楚.

你要做的話, 目光唔可以太細, 可能要考慮過大海之後的澳門, 又或者是本地的老外口味.
上次在wc遇過一位老外, 佢話因為香港的賣得比佢地local平先買多d, 如一些星星/ 其他日系的,
可能因為他比較成年, 只玩軍事, 看我手上的rg gundam mkii, 同部sopwith camel只識sopwith.

好遠的回憶, 哈! 當年我都唔知有冇見過,
可能冇,我某D年份係冇去買模型
後來多數見老世一個人看舖,
有段時間,我會去找舊模