今年第一個作品, 亦應該係最後一作品, 請各位多多指教!!!
模型係老婆蜜月時送, 係佢第一次送我模型, 亦應該係最後一次, 因為大人佢唔太鍾意我依個嗜好, 所以好有紀念價值.
破裂人偶係我心頭愛(要排應該都頭三位), 所以依個模型我好用心亦花好多時間砌(斷斷續續由上年七用尾到依家, 我都未試過整咁耐), 可惜外型雖好, 但組裝上就有d困難, 就算之前假組過, 最後組裝時都瀨晒野, 完成品只可以用強差人意黎型容......
口水太多, 邊睇邊講.
全身相, 其實佢都企得幾穩, 外型實在一流.
後面細節亦豐富. 肩甲同背後三條毛造型, 令我聯想到五星裏面D龍(可能我諗多咗).
大頭相, 可以發現係見唔到眼, 枉我咁用心油......
右肩V字係噴, 因為水貼質素太差, 可免則免.
頭上"V"用水貼, 因為怕手噴兩邊唔對稱, 水貼算厚, 消水貼邊很費時.
"跳舞的人偶"係加深刻線先滲線, 盾牌亦無上油, 只係滲邊.
蛇腹, 本身係可動關節, 因為盾牌對模型黎講太重, 所以成個身巳經俾我"硬直"晒.
後眼雖然可見, 但唔顯眼.
盾牌/盾背因為想整得有特色, 所以十分費時.
劍嘅軟膠部份用補品賛代.
印堂發光.
自製桌布一幅, 還請笑納!!
後話: 完成之後, 發覺模型最花時間係細節上(如盾背, 裙甲底, 膝甲背, 背面三條毛), 但以上細節亦唔太顯眼, 如果無視的話, 其實可以好快完成.
[
本帖最後由 The-Old 於 2011-4-8 08:53 AM 編輯 ]
分享
