BLOG友笑笑團之後，繼續BB三國傳嘅製作```

可能之前砌過比例大零件多嘅模型，覺得再砌返BB嘅個時會有種好似速度快咗嘅感覺```如果無記錯嘅話，呢只BB從剪件，打磨，上色，組裝好似只係用咗2日時間，連我自己都覺得好似快手咗D

不過快還快，唔知質量有無差到呢























嚟幾張同老爹嘅合照



呢張似唔似設計圖漫畫度個造型呢？

關平：バカいうなつ！オイラも一緒に戰うぜ！！

關羽：關平···！？

有玩開呢系列BB嘅朋友應該記得呢兩句對白吧```







諗返BLOG友笑笑團，有好多BLOG友同壇友都對我嘅作品俾咗好多寶貴嘅意見同幫助```距正式交貨嘅時間仲有兩三個月時間，所以打算砌多只隱藏人物，不過唔知砌乜好喔```連自己都唔知，夠嗮隱藏啦挂

嘩```你回得咁快手嘅```

Of coz, u item is good ah ma...

好快手喎  不過好似差咁d線

係爭咁d線...把刀柄唔諗住油埋?

Thank you

差D線？邊度呀？

刀柄唔油啦```係手度磨嚟磨去會磨返甩

心口同埋腰甲應該仲有位未上線
另外   個人喜歡補埋偷膠~~~

咁都俾你睇到``` 睇嚟想偷下雞都唔得喔```
其實我都想補埋嘅，等我去買咗畢地先 （呢句話已經講咗成年 ）

   哈哈  唔緊要  下次慢慢整囉
我隻bb destiny都拖左勁耐先放到出黎~

不過講真個句```其實我係未用過畢地架```

分模線 同 偷膠位 可以落多D功夫

所以下次要試下

OK~~

你隻金我覺得唔係幾好
加反層透明黃會金d

咁快 11 彈拿 !? ~ ....

唔錯既 SD，nice !! 不過好似冇上幾隻咁好喎 ~ ....

記得唔好得個快字 (高手除外)，最緊要比夠心機同精，

過程中無時無刻諗下點可以再整得好 D，加油 勁仔 ~ ....

呢只金色已經係加咗透明黃囉喔```唔通加得唔夠多```

死火```咁咪即係退步咗 ````

其實我都唔知點解會咁快起到只BB架```我只係同平時一樣剪件跟住就打磨```
磨下一件磨下一件```三兩下手就磨嗮囉```

睇嚟真係要諗下點整會靚D至得```多謝師傅嘅提點