http://hk.apple.nextmedia.com/realtime/breaking/20140413/52379502



「佢差唔多跑咗一個圈，嚇到啲女遊客大叫同跳咗起身！」讀者彭先生，前日(4月11日)下午1點幾，在尖沙嘴重慶大廈間大家樂食lunch，突然有隻老鼠由佢右手邊盡頭，一路走到佢左手邊盡頭，「我冇見過咁大隻老鼠，施施然咁行出嚟！一啲都唔驚人㗎！」
彭生隨即攞手機影低老鼠橫行嘅情形，「由隻老鼠出現到有人大叫，都有成3至4分鐘。」老鼠最後走咗入暗角位就冇再出嚟，「佢哋(職員)冇乜反應，淨係盡快搵圍板封咗果度，唔畀人入嚟！」彭生估計隻老鼠超過20厘米長，好似托盤咁長，佢認為如果廚房或後巷有老鼠唔出奇，但在樓面有就好得人驚囉！

重慶大家樂一名女經理不否認，當日曾有老鼠出現，但表示該店一向有進行定期清潔。