東亞銀行出事?
好似好大獲!!
有無人知咩事??

東亞銀行（０００２３）：已就短訊造謠報警及知會監管機構
(經濟通)9月24日 星期三 08:26

正當市場人心虛怯之際，不法之徒乘機造謠以動搖市場信心，情況恍如１０年前的亞洲金融風暴。

昨午（２３日）有人透過流動短訊，指東亞銀行    （０００２３）受美國    金融風暴的衝擊，銀行已就事件報警及通知監管機構。政府消息人士認為︰「有人想擾亂香港金融市場秩序。」

東亞總經理兼投資總監李繼昌確認，昨午管理層留意到有關的不利東亞的短訊，在市場上出現，銀行已馬上留意旗下各分行的情況，亦作了充足準備。他重申，銀行的財政非常穩健，由於事件嚴重，東亞昨晚已就事件報警，並知會了金融管理局    及證監會    。

據了解，昨有多個不同關於東亞「出事」的短訊，包括指雷曼「突然死亡」，令東亞「唔掂」。

李繼昌指出，根據銀行的點算，東亞在雷曼的總債務承擔為５４００萬美元    （約４﹒２億元），在美國國際集團（ＡＩＧ）的總債務承擔則為６００萬美元，總額為６０００萬美元，相對東亞的資產只是一極少數目。

政府消息認為，有投機者在市場上造謠，藉此操控東亞股價以及影響市場。考慮到近日結構投資產品風險已令市場人心惶惶，今次的事件明顯是「有人想擾亂香港的金融市場秩序」。

金管局    發言人未有就東亞的事件作出評論，他重申，香港銀行體系穩健，資本充足比率維持在高水平，流動資金亦充裕，資產質素亦良好。

評級機構惠譽國際亦表示，東亞所持之債務抵押證券（ＣＤＯ）及次按相關投資，相對資產總值比例並不大，加上其內地業務增長快速，銀行仍然相當穩健，現階段無意調整其評級展望。《香港經濟日報》

今日免費報先至講左,話李角保尋日仲在市場回購東亞的股份,以顯示其對公司的信心(及支持股價)

唔係ma

香港都出事

不明來歷ge手機短訊 想砌低股價執平貨？

真係唔掂喎~

大大聲講自已入貨都好可能係煙幕

仲勁過打風, 呢期銀行黑色風暴,仲似10月鬼節, 人心惶惶~

有十萬蚊存款保障，怕咩，除非中國或者香港打仗姐
成個下午d同事就浪費時間傾呢d野.....

東亞銀行股票平時的成交量係7百萬股，今日係6千1百萬股，你地話有冇嘢吖？你話散戶有冇甘多貨黎沽吖？梗係有人做緊野啦！當係平均价25蚊，成15億幾港元渦！感覺上係基金做野。陸續有來啊，睇戯啦！

唔係好明. 放負面消息出去唔係想質低個價跟住掃平貨咩? 點解會沽既?

唔怪得今日放學坐巴士經過東亞分行見到打晒蛇餅排晒隊咁..
原來又有消息出現

D人驚所以沽晒佢, 放料既人咪可以吸納 D貨
(唔知咁講有無錯)

但係timng兄話有成15億貨掟出街, 唔似係老散貨, 咁即係點?

同埋應該有d大額成交, 知唔知係邊個接緊貨?

老美所有 ibank(投資銀行),   已經打晒靶. 東亞有幾多雷慢債券, 街外人吾知.

如果我有a/c 係東亞, 一定去排隊, 寧可信其有

如其淫賤乾叫人吾使擔心, 不如公佈hk 有邊d 係 ibank (投資銀行, 主要係用客戶d存款, 銀行自己投資, 例如買債券, 賺取息差:債券利息-派俾客戶既存款利息, ), 邊d 係bank(一般商業銀行, 主要係借款).

[ 本帖最後由 abc1997 於 2008-9-24 06:04 PM 編輯 ]

其实我都係旁觀者，都唔知咩事，不過睇到呢個現象，就覺得，散戶做唔到甘既量，有這樣的量的人，一定唔係老散甘既見識。

一定有D唔尋常，無風不起浪，點會無野吖？

我就無戶口，所以都係睇戯甘睇，不過真係感覺係有野。

其實如果我有戶口，都去攞到淨番10万，政府保你10万咋，之後果 D係自己負責架！點解要搏？