曾拍《獅子山下》 「玻璃骨」祥仔病逝
(明報)2009年6月4日 星期四 05:05
【明報專訊】20多年前曾經拍過港台    經典劇集《獅子山下》其中一個單元「天生你才」嘅「玻璃骨」患者王均祥日前去逝，終年約50歲。港台對佢嘅離世深感惋惜，希望佢熱愛生命、樂觀積極嘅精神，能夠繼續感染社會上每個人。為咗紀念祥仔永不言棄嘅精神，港台已經將佢參與演出嘅兩集節目，上載網站「經典重溫頻道」。

祥仔因天生嚴重缺鈣，身高只有兩呎，多年來亦要坐電動輪椅。佢當年喺劇集入面，同另一「象人」講出傷殘人士嘅困難，喺社會引起好大迴響。祥仔近年同患輕度弱智嘅姊姊互相扶持，雖然佢行動唔方便，但一直積極做義工，早排彩虹邨天主教英文中學更為祥仔出咗本傳記《永不放棄》，喺校內派發之餘，又送畀其他中小學。

當年佢黎到我學校演講，重唱左一點燭光，事前學校都話要多加注意，唔好整親佢，但係當佢同我握手講加油同byebye，我比較"就住"黎，怕整親佢，但係佢反而好誠懇，好實在咁握住我隻手，完全不理自己"玻璃骨"既問題
這星期因要轉新office，都沒時間post上黎，趁今日發個帖，懷挽一下
祥仔，一路好走

上次佢至黎左我學校演講 咁快.....

原來他離開了....

懷挽

記得,獅子山下片集中的他,似乎做人都幾樂觀~~

記得，真係隨時唔止20年咯，可能30年都有，當年我都仲係o靚仔一條，而加都做人老豆，老餅 。
祥仔原來都有50嵗，都算好有生命力啦！他成爲好多香港人既榜樣，活得有意義！安息吧！

今晚有得睇

＜亞洲高清台＞14/6 晚 9:30 播出《獅子山下》之「天生你才」上、下集 悼念生命勇士「玻璃骨人」王均祥

http://app.hkatv.com/atvnews/mai ... mp;type=&month=