Originally posted by louisuni at 2006-9-28 11:28 PM:
題外一問, 其實國內所稱既濾鏡技術, 會唔會係油人仔時應用到 ? 我唔明白, 點解會係主色上面加一d 同主色無關係既顏色 ( 藍/綠等等 ) ? 實物既色調真係有咁既變化嗎 ? 呢 d 問題都係令我唔敢試玩濾鏡既原因.
濾鏡技法 - 目的主要係喺單調既色面上增添顏色既變化同埋豐富舊化既層次. 至於加上乜野顏色係睇當時環境情況而定, 一般會用白, 黃, 藍, 綠, 啡等, 因為呢幾種顏色同坦克週遭既環境有好大既關連.
至於你說實物既色調真係有咁既變化嗎? 個人認為砌模型同畫畫有同一道理, 並唔係單單還原實物基本形態, 仲要表現出美學, 藝術感, 個人風格云云. 正如畫畫咁, 如果畫得似就為之靚既話, 不如影張相咪仲似, 咁咪無左畢卡索, 凡高, 莫奈等名家, 無左印象派, 現代派, 野獸派等多采多姿既派別.... 佢地呢 d 畫家同派別都唔係用畫得似黎衡量好唔好 (需知道畢卡索 11 歲前已經完全掌握寫生素描基本技巧並踏進抽象主義既門檻).
砌模型亦係同樣道理, 個人認為喺模型上進行改造, 增加細節 (例如加上蝕刻片) 等係營造佢既美麗軀殼 - 這是 [工藝] . 上色才是賜與模型多采多姿既生命 - 這是 [藝術]. 當然 [工藝] 同 [藝術] 係完全無衝突, 反而 [藝術] 好多時都要依靠相關既 [工藝] 去輔助.
其實我地可以睇睇好多模型大師既作品都擁有強烈既個人風格, 舉例日本既平野義高, 平田英明, 堀川哲生 等名家, 佢地除左擁有扎實既模型工藝外, 喺上色技巧上亦有自己既一套法則來營造出強烈既個人風格. 其中以近年冒起既情景模型大師 岩重賢司 就可以對我以上所講既作為最佳詮釋. 佢既人型同坦克等就唔係用似唔似作準則, 佢所表現既係一種風格, 一種將水彩畫既技巧用於情景模型上感覺淡淡然既風格.
噴左咁多口水其實都係想講砌模型唔好拘泥甚麼標準法則, 甚麼似唔似實物等. 唯有嘗試更多唔同既技巧, 尋找適合既路向, 從而開展自己既個人風格才是砌模型既 [正路].
[
Last edited by Joe_Lo on 2006-9-29 at 02:20 PM ]