又是回歸 afv 的時候了. 又係雙星古董, 72年的產品, 36年喇! 可能我對模型的要求仍然停留在幾十年前, 冇與時並進吧 , 這 Sd.kfz.7 八噸, 半履帶運兵車我覺得是問題不大的, 可能感情分搭夠吧. 今次試吓豪裝, MK 履帶, 牛王蝕刻片. 希望可以彌補歲月催人的不足.

1/35 的 afv 我鐘意加兵仔, 除了襯托出比例感, 更增加了生氣, 對營造不同的氣氛幫助很大. 其實講左咁多理由, 不外乎是 : 自己鐘意玩兵仔!!!

不過市面的塑膠兵仔, 坐姿的選擇不多, 所以一見啱就買了先算. 想油迷彩服好耐了, 所以見到穿 smock 的又買.
我砌模型沒有甚麼計劃可言, 好聽D叫隨心所慾, 事實就是 : 到時至算! 但就點都會考慮程序先後對製作限制的影響. 加兵仔在軍車上就變成優先處理, 但又必須張軍車砌番咁上下才可配合, 錦樣我覺得反為可以保持新鮮感呢!

....................................

雖然我對考證不熱衷, 原因是懶, 好在有互聯網, 很方便, 係錦咦都叫做搵吓圖片參考, 不過就真真正正係參考, 選擇性吸納! 第一, 自己能力所限, 好多時係有心無力! 第二, 興趣為首. 不感興趣的細節就視若無睹了. ( 也可能是藉口吧?!)
不過呢, 我極有興趣聽二戰歷史喎, 正所謂唔砌都黎睇吓! 好似記得之前馮兄和毛毛兄討論一架蘇聯坦克履帶 (唔記得邊隻喇) 我就 “旁聽” 得津津有味嘞, 所以絕對歡迎大家來考證和指正呀, 但就唔好怪我多數得個聽字!

........................

.........................

............................

......................

.......................

巧揀洞
卯得彈

輪到兵仔出場喇.
之前講過我係整到邊才諗到邊, 想 E 兵仔點坐? 乜野動作? 唯有睇餸食飯, 用番以前細個的玩法, 手腳身頭大兜亂, 一於誤打誤撞.
不過, 雖然是打亂章, 我都有一個大前提 : 盡量要姿勢自然. 至於有沒有主題? 自細睇老夫子大, 出現次數最多的漫畫題目, 亦是最高深莫測的境界 :  """ 耐人尋味"""" 是也!!!
現在體會到原來坐係道的姿勢好難遷就狹窄的環境, 又要坐得夠貼才自然, 又要避免頂手頂腳, 頗花時間. 不過一旦成功做到則滿足感很大.
我的主要方法好原始, 集中在關節位動腦筋, 先選擇最接近心目中動作的肢體, 然後種支, 記著搵些較軟的物料如鐵線之類, 因為插入後還要移動調整, 如果用很硬的銅支便會增加難度, 有時甚至爆膠 (如窄細的手碗位) 尢其是 MiniArt 的兵仔膠質很軟. 確定位置後點上遮利狀快乾膠固定兼加厚當作畢地 用, 再補上 epoxy 混合畢地造型.
關於混合畢地, 之前在砌賽車 R24 時第一次用, 未熟悉它的特性, 以水來塑形. 所以唔順手. 後來再溫書, 原來它是分水溶性和非水溶性兩大類! 雙星是屬於非水溶性, 所以用水來作塑形時不很理想, 依書建議改用 thinner 溶劑, 無論用Mr. colour 的 thinner 或 Mr.  hobby 的都得, 比用水的效果真係好好多   我索性用消毒火酒, 一樣咁掂, 好處是平好多, 和 Mr. Hobby thinner 的酒精性質一樣對人體安全些.
塑形的方法之一是塗上畢地後, 以軟毛的平筆/面相筆, 視乎想要的形狀, 沾上溶劑, 趁在未硬化的畢地上慢慢來回掃, 便會溶合畢地表面和越掃越平滑. 這時亦可以用筆刀刻線/紋, 或堆出衫紋形狀…等等. 雙星的是非水溶性, 所以用溶劑較佳, 再補充, 其實就算是非水溶性的, 用水也是可以的, 只是唔夠好而已, 唔係唔得.  
以上最後部份是從 Calvin Tan 的書學, 我厚著面皮在此班門弄斧, 就是希望引出此中高手指正, 如斯巴達人兄 ( 你的 post 幾時有最新 update 呀 ), Joe Lo兄等.  可否介紹Epoxy 畢地各種牌子的分別? 之前聽過 Joe Lo 兄提出 Green Stuff 好好用, 在 AM 的DVD中見土居雅博用它. 我淨係識雙星咋!

[ 本帖最後由 獅象 於 2008-9-29 06:10 PM 編輯 ]

.........................

..........................

.....................

做足功課,正
如果加多支88炮仲正

輪到中排的兵仔............

..........................

我比較喜歡兵仔之間有互動關係, 感覺自然些, 但就增加了限制. 今次主要分開車頭和車尾兩組. 先說車尾的三條友 :
一個正想點火嘆番口煙時, 前面坐中排的伸手借點火機用. 這位又有煙仔又有點火機的兵仔唔會太低級掛?
坐中排的擹大手扳, 老馮錦款, 應該係老屎忽, 乜野官階合適呢?
搭膊頭扮晒 friend 果條友擺明想黐野食, 嘻皮笑臉, 一定係最低級的擦鞋仔!

講左咁耐, 只係因為我唔識領章和肩章不同的官階點油, 淨係知右邊領章油 SS.更加唔識官階點分! 想大家幫吓忙.

Good skills, learn a lot in here...

..........................

..............................