因為近日我要用發泡膠整一大舊野, 要界開一塊塊再砌個型出來
砌個型出來之後仲有好多位要修...
不過因為未用發泡膠整過手工,  表面處理問題原全唔識...

所以想問問各大高手:
1) 點可以整得平滑d呢? 用砂紙又得唔得呢?
2) 發泡膠上色要注意咩呢?

另外我亦有打算如果表面的問題太難解決, 我會用石膏粉封上面,
不過:
1) 要用幾多水開呢? (我想硬d唔好回咁易爛)
2) 上色唔知有冇野要注意呢?

萬分感激!!

係唔得架.

其實你想點平滑法 ?
沙紙都冇用, 食唔到力, 用一把夠利的界刀 "片" 係最滑的方法.

其實我諗你仲會響上面上色 / 痴草粉之類, 滑唔滑已經唔緊要, 最重要係貼到野同上到色. 石膏係一個好方法, 開幾稀, 好難講, 大約好似罐裝白膠槳咁就 ok, 細細支果種稀釋度係稀好多架.
另外, 某些大型美術用品舖, 有一種叫 "石膏布" 的材料, 一卷卷好似牆紙咁, 用法冇記錯係響要貼的表面掃上水就 ok, 不過最好問問美術店. 貼完可以做出自然的山景效果, 乾左都幾硬, 可以響上面上色同痴材料. 人地整火車模型的大情景, 都係用發泡膠舖石膏布再痴野上去架.

[ 本帖最後由 smangkk 於 2007-10-10 01:16 PM 編輯 ]

事先聲明，我絕非高手，如我所講有任何錯還請代為指證。
好似你模型高手講少少你應該知點做 ，發泡膠本身無乜可能可以打磨得平滑，一般我地切發泡膠都不會用刀具切割，而是用發熱線，利用熱力做分割，最大原因是發泡膠容易爛，好難用刀切割得又平又直，唯有用熱溶方式才能切割得較平滑，所以你想平滑，可以考慮用發熱線，或把界刀等等其它工具加熱做切割，但能否達你想要效果，我唔清楚，我唔知想要滑到咩程度(又圓又滑可能會難度高d咁 la)。
用石膏粉不失為較好選擇，通常問美術用品店職員都會教你開幾多水，正確比例我已不記得(好似是1 : 1左右咁上下 )，比例上我自己覺得唔需要太準，多左還是少左影響都不會太大，佢始終都會變硬，你可嘗試用唔要舊布，在溝好水既石膏粉，用布沾上再塗抺在發泡膠表面，乾後再修一修表面，唔夠厚既咪開多次再塗抺加厚。又或好似smangkk所講用石膏布都得。

事先聲明，我絕非高手，如我所講有任何錯還請代為指證 (借kurumi兄句子一用 )

鄰近油麻地地鐵站, 有一間材料店舖叫  長風行, 有一隻粉籃色既發泡膠,
係product designer 用嚟整mock up用. 可塑性很高. 可以用沙紙磨滑.

[ 本帖最後由 multi_crab 於 2007-10-10 04:14 PM 編輯 ]

haha (都唔係冇諗過架, 不過諗完之後自己都傻笑 )





Thx   我都有用發熱線, 不過kurumi講中左係要做大量圓位.. 所以我都係用石膏會好d


係!?  不過我估成本唔平.. (因為係公司野, 成本要平連高密度發泡膠都唔用得)

的確,我都有少少粉籃色高密度發泡膠料
一米 x 二米半 要100大元正厚度大約有7cm~10cm
分開賣就唔清楚...不過應該重貴

石膏,五金鋪都有,十蚊都有排你用(因為質量好重,唔建設做山,做表面就ok,不過經常移動會易裂)

經常移動會易裂<--- 就係怕呢樣......  
有冇咩好方法... 用乳膠漆會唔會好d  
OR 有d保護油之類??

[ 本帖最後由 gustav 於 2007-10-11 02:31 AM 編輯 ]

我以前返學整模型果整, 用左個蠢方法避免呢個情況, 不過效果係比石膏更重.

就係五金舖的 白英泥 !!!