初時用開PRIMER都只係郡是灰色，有500號、1000號和1200號，灰灰地的色澤，想也沒想清楚，洗腦式認定上色前一定要噴層PRIMER。用下用下就發覺灰色PRIMER上面噴黃色會令黃色變暗，繼而出現白色PRIMER，叫做改善透明色變暗的問題，出白色PRIMER都叫做有意義。現在有埋黑色PRIMER、銀色PRIMER、肌色PRIMER，最近仲有防鏽紅…我就糊塗了，防鏽紅顏料不是有了嗎？在普通的底灰上噴防鏽紅色不是一樣嗎？我亦有留意外國高手的塗裝步驟，有些是直接上顏料不用底灰，也得到很好的效果，咁樣噴底灰的意義何在？

底灰係稀釋的畢地,用途係補細微瘕疵,統一色底

近年出左好多種顏色底灰,目的都係省卻再噴底色步驟.

畢竟多一層油,會變厚,噴罐更甚

有人軍事舊化唔噴底灰唔出奇,可能後期工作會遮蓋表面

但砌車,人型就最好要噴啦

首先, Primer 唔係底灰, 而係底漆. Surfacer 先係底灰.

primer 係油漆中既主要用途係增加油漆既咬著力.

surfacer 就主要填補表面微細凹陷(如孔, 紋). 有增加咬著力, 但唔及 primer.

undercoat 就係底色.

pigment 就顏料. 不同顏色其實就係可見光係wavelength 上既不同. 唔同色既pigment 就即吸收左光之後會反射返出來既光既色. 所以如果光到第一層時d pigment 吸唔晒所有光而能夠射穿到第二層之後又能夠再反射返出來, 咁就會影響左想要既顏色.
而唔同pigment 既吸光能力都唔一樣的. 亦即係所謂既遮蓋力了.
應變對策就係上"底色"了.


注射模型一般既表面其實都算平滑, 一般如果要求唔高既, 其實唔須要用surfacer. 要求高一點既, 如砌車殼, 要平滑如鏡, 就一定要處理果表面先上色.  但如果式磨過表面, 就點都會有微細既凹陷. 所以就會用surfacer了. 軍事好多時都會做舊化, 對表面平滑要求大幅減低,所以唔用surfacer 都冇問題.

生產唔同色既surfacer, 只係方便上少一層undercoat姐.

咁講法如果我砌戰車，手上有GAIA支防鏽紅LACQER，係咪直接噴在膠件上都OK而不用上SURFACER呢？另一說法，係咪唔駛用佢地新出的防鏽紅SURFACER呢?

唔上surfacer既, 就最好用水+洗潔精清乾淨再過水左盒件先. 雖然離模劑唔會同手辦咁多, 但點都會有dd.

之後直接上防鏽紅油都ok 的了.

如果用左防鏽紅SURFACER就唔會再須要上防鏽紅油呢.

>>>想也沒想清楚，洗腦式認定上色前一定要噴層PRIMER
你係懶唔搵舊帖 定睇太多 日文 hobby japan 呢

surfacer 起初 係 噴下首辦, 打磨完 畢地D車..
後來 bandai D 製作例又 噴


http://catnote.pixnet.net/blog/p ... 8%E5%9C%96%E8%A7%A3


--


銀色surfacer 不會似 銀色 油 咁光澤

http://www.fg-site.net/archives/post_old/120960

[ 本帖最後由 alexlee2 於 2012-10-31 06:05 PM 編輯 ]

我只慣用GOOGLE SEARCH，無試過剩SEARCH FORUM，所以你可以話我懶。

其實GSI的Surfcer已經有Primer的功能，我自已都習慣噴surfacer #1000，第一可以檢查有無不地及夾口處理得唔好，第二可以能令表面層油咬得實D，而且一般PS都有少少透光性，如果唔噴灰，因有少少就好有玩具feel，噴完灰一定唔會透光。

我自己感覺上 (可能係錯的), 噴左灰之後先上色, D 油冇咁容易 luck 的, 我覺得係因為D 灰 係好 "乸" 的......"乸" 到件 部件 表面有少少 "溶" 左.....

請留意一下你的語氣,呢度唔係隨便可以亂咁鬧人
尊重自己亦都請尊重下別人

提出一項相關提問：如果我架飛機主色鋁色，上面有紅色色塊和黃色色塊(遮蓋力弱色)，我提出三種方法，看看大家的建議：

1)以遮蓋力的強弱判斷上色次序：白色SURFACER打底=>噴左黃色色塊和紅色色塊先，做埋色差=>MASK左紅色色塊和黃色色塊區域=>上黑色=>然後上鋁色========>

2)以主體主要顏色為先：黑色SURFACER打底=>上鋁色=>做MASKING準備紅色色塊和黃色色塊區域=>噴白色SURFACER，蓋住鋁色(減底對透明度高顏料的發色影響度）=>噴紅色色塊和黃色色塊=>撕走MASKING=========>

3)玩HAIRSPRAY掉漆：黑色SURFACER打底=>上鋁色=>做MASKING準備紅色色塊和黃色色塊區域=>上HAIRSPRAY=>噴白色SURFACER，蓋住鋁色(減底對透明度高顏料的發色影響度）=>噴紅色色塊和黃色色塊=>撕走MASKING=>刮掉漆效果=>全體噴透明LACQER保護漆==========>

第一種方法最易，亦能欺騙觀眾。可是不符合實物色層次序（鋁質該在下層)，我明白呢個係個人觀感、心理上的問題，正如砌坦要唔要砌見唔到的內構一樣。

第二種我擔心當我撕走MASKING後會見到白色SURFACER厚度的邊沿…

第三種係未試過HAIRSPRAY純粹想玩野……


放心，我唔會只問不做，以上三種方法留待星期日試

我會選2 >
2)以主體主要顏色為先：黑色SURFACER打底=>上鋁色=>做MASKING準備紅色色塊和黃色色塊區域=>噴白色SURFACER，蓋住鋁色(減底對透明度高顏料的發色影響度）=>噴紅色色塊和黃色色塊=>撕走MASKING=========>

但唔會用white surfacer. 而改用"base white". base white先係白色底油. 遮蓋力比white surfacer 好.

撕走MASKING其實係可以有"正確"/"比較好"既技巧的.
不過又係一樣好少人討論既野. 一係就本身已經知, 一係就完全冇聽過有d 咁野.

[ 本帖最後由 VampireA 於 2012-11-2 02:39 AM 編輯 ]

我都係上完SURFACER之後再用base white

我上年砌老長1/32雷電是這樣的。Surfacer #1000>#8 >#1+#58>#58>#8>#124(主色)

噴紅噴黃唔一定要白底，原色加白先噴都可以解決發瘀這個問題，這個方法就算見到邊，都只是像退色。

當然唔一定要白. 噴base white 只係方便唔洗再溝層底色出來直接用姐. 紅色噴粉紅底, 黃底有時會更好更鮮添.

不過如果mask完噴左底色唔起張mask 就直噴面色. 其實都唔會點見到邊, 除非層底色噴得好厚. 咁就成分三交治

gsi 既surfacer 只有少少primer 功能, 真係要有primer 功能, 一係就買新出果隻 primer surfacer, 一係就先噴佢隻 metal primer. 當然, 塑膠件其實唔洗用primer 都得, 要噴primer 主要係金屬件姐.

check 夾口 呢d就已經係表面處理既一環了.

Primer的功用是作為膠與油中間的媒介去改善附著力。而Surfacer絕對做得到，GSI出Primer Surfacer可能是針對Gaianotes的一連串的攻勢而作出反擊同加價。

唔能夠完全認同.
之前我已經講左 surfacer 有增加咬著力, 但唔及 primer, 而且唔可以取代primer. 好簡單, 金屬件唔上primer 只上surfacer 會點, 玩過金屬part 既一定會知分別.
塑膠件唔上primer 都冇緊要時, 分別當然唔係咁明顯. 但對"霈要"上primer, 如金屬件, surfacer 有幾強"primer"能力就好明顯了.

Primer Surfacer 亦唔係主為為針對Gaianotes 而出既產品. primer surfacer 一定要用leveling thinner 去開, 即要用更多錢先用到. gaia 灰除左比gsi surfacer 更滑之外, 佢$/ml 係比gsi 高, 即更抵用. 為左打擊對手價格上既優勢而出一隻更貴既產品. 唔覺得合logic.

針對Gaianotes 既, 係來緊12月會出, 針對gaia 灰"更滑"既 "1500 finishing"灰. 針對"有色"灰而出既 "oxide red 1000" 同 "1500 finishing black"

做左個TEST，果然加白底係鮮D，但係都一樣見白邊。