原帖由
tictac0518 於 2009-3-3 10:01 AM 發表
其實想問問一個打磨的問題..
睇完成個文章, 基本上次序是水畢地->水沙->水貼->光油->水沙->拋光
不過, 有幾個問題..
1. 在噴了幾層光油之後再用1500/2000水沙打磨, 如何才知道幾時會磨穿光油? (因為穿了, 就連水貼都報銷了)
2. 用拋光劑時, 是否要用好輕的力度呢?
3. 拋光劑, 如果只用星星既細目 (因為最細果種好貴), 可以到達鏡既效果嗎? (例如磨多幾日)
4. 其實拋光完成後, 是否會再上一層光油保護呢?
謝謝
其實呢篇野都有一段日子, 市面在此之後都有推出唔少新產品, 而且自己亦都試左過一d 之前未用既既產品
所以其實有機會, 有時間的話應該相應update返部份意見
不過作為參考, 希望都能夠從中俾到一d idea 俾大家~
1, 2 既問題, 其實大部份人都會問到
換句話講, 即係同幾厚光油先夠厚？幾多層光油先岩？點先可以唔磨穿油？......
答案好多人都可以俾到你, 例如有人話過十層光油就夠架喇, 轉頭又會有人話我噴8層都夠喎.......有人會話我磨左一日就ok了, 但又會有人話我磨左成個星期都未得喎.......
咁即係點呢？如果你留意我篇passage既字眼, 係從來都唔會量化所要做既動作的, 原因只得一個, 就係所有step都係因人而異！點解會咁講呢？
假如 a先生同 b先生既噴油手法係一模一樣, a先生噴光油用1:4既稀釋度, b先生用1:2, 好自然, b先生只係噴 2次就有等同 a先生噴 4次既光油噴左係同一面積上;
又例如 c先生同 d先生開油比例係一樣, 除左噴油手勢外其他手法都一模一樣, c先生係離件件好近而噴既時候掃得好快, d先生係離件件好遠咁定手噴, c先生噴十層出來既效果同 d先生都會有某程度既出入;
換言之, 唔同人噴法既分別, 相對應既做法可以有好大差別, 往後提供既意見量化為數字時就會某程度上令人誤以為係定論
本來係好意「教」人點做, 好大可能變成局限左人對理論上既理解, 變得同中五會考公式化答題一樣.....
更唔好講唔同人對自己作品都有各自既睇法, e先生覺得自己已經捽得水平如鏡, 但係 f先生眼中可能重係橙皮滿佈.....自然 f先生捽既時間同心機會比 e先生多......
講完一輪癈話, 我最終想講既係.....捽唔捽得穿, 或者點先可以唔捽穿, 靠既只係「經驗」！呢樣野無論幾多人教, 幾多人講, 幾多人一齊研究都好, 係你手上既件就只有你自己控制到！當你今次捽穿左, 下次就噴厚少少光油先捽; 今次光油太厚, 下次就收一收, 俾返多d 輪廓架車..... 每次trial and error , 就只有咁樣先可以磨練出功夫, 當下身邊一眾高手, 難道又係一學就有formula 教捽唔穿嗎？真心講一句, 有人同你講都唔好信呀！
分享
