小弟有意買噴筆

但有好多地方唔明白,想大家指點指點!!

1.買什麼牌子的筆好?(我係新手,唔想買太貴)
2.筆咀有什麼粗幼分嗎?
3.噴油我程序是怎樣?(溝色?氣泵?點洗?噴完一隻色要做什麼先可噴另一隻?..etc)

感謝大家ge指教...希望有足夠information明天買,唔會買錯

2) 筆咀 有0.2 , 0.3以上 以0.2mm噴既係最幼~

3)噴完一隻色 係要洗筆(可以用找尋去查查如何洗筆過程~)

1.隻隻牌子都有好有唔好.. 睇你預幾多錢. 唔想太貴就台製筆, 若錢唔係問題就日, 美, 德製. 大部份廠都有出高, 低 檔次嘅型號. 通常低檔次會較平, 但比高檔次質量稍低, 用係大面積噴塗比較好一點... e.g. Mr. hobby MK 系列,  Badger 250, 350....etc..  如果你諗住砌模型唔係3分鐘熱度, 就唔建議你買這類筆, 因為你會發覺用用吓已經應付唔到到你嘅要求..... 比較高檔嘅會指 內部混合式 (d 油同壓縮氣喺筆身裡面混合先噴出) 嘅 單動或雙動筆 (單動係一按掣就油同氣一齊出, 油和氣兩者的比例要預先調好. 雙動係按掣出氣, 再同時向後拉就放出油, 由於兩個動作獨立, 出氣量和出油量可以用一個按鈕自由調出不同比例, 比較靈活, 但新手就要時間適應).

2. 常見係0.3, 0.5.  亦有 0.2, 0.23, 0.4, 0.7mm 等等. 一般 0.3mm 都夠用. 而美製筆較喜歡一套筆有3數款噴咀連針.. e.g. Badger, Paasche....etc (細過0.2mm 都有, 但係就唔多啱砌模型用..)

3.噴油過程:  

用時: 駁好氣泵和噴筆的所有喉 > 開油包括溝色同稀釋 > 將油倒入噴筆油杯(樽) > 調好泵嘅氣壓輸出量 > 開着個泵 (有缸泵要等充氣, 冇缸一開就噴得) > 噴得.

換色: 倒走唔要嘅油 > 用紙巾抺淨油杯(樽) > 用相關嘅 thinner '谷槍' > 倒咗d 污濁 thinner 再放少少乾淨 thinner 空噴 > 根住換得其它色. (如果之前用嗰隻色咁樣洗都唔乾淨就要折開枝筆清洗)

用完: 同換色一樣咁去洗乾淨枝筆. (我自己習慣會放埋泵水隔嘅水, 同缸(如有)裡面d 水)

不如你消化吓d資料先, 都唔急在嗰一時半刻... (因為通常咁急買嘢, 買錯機會好大)

[ 本帖最後由 Rox1 於 2007-7-5 09:58 AM 編輯 ]

唔該唔該