想問問大家是那個牌子的珍珠粉?? 因為街上真的五花八門....有大牌子如wave, 又有一些小店自己出珍珠粉...個差別都可以幾大...

真珠粉我就用過三隻： wave、FG Pearl 同係D手辦舖買o既冇牌子等。

用落唔覺有咩分別。反而想知個效果時，你可以拎住個袋或樽，轉下唔同反光住置，咁就會約莫睇到反D咩光出黎，o岩唔o岩心水！

有點要提提：我買左 wave 果隻紅色，其實係粉紅色，如果想做到金屬紅（如新安洲）就唔係好o岩同喇！

另外最貴又係佢，激死……

（仲尋找緊紅色珍珠粉當中……）

spencerkam兄, 你好, 我都有睇過你d post, 都知你用過好多隻珍珠粉, 想請教一下:

1/ 我見Wave 的珍珠粉全部都係白色的, 只不過係反射唔同色光, 而我係"廣華街"同"皆旺"見過佢地d珍珠粉本身係有色的, 出來效果有無分別

2/ 另外有師兄做咗隻 "海市蜃樓色" 都係用珍珠粉, 又用邊隻呢???
link:  http://www.hkml.net/Discuz/viewt ... &highlight=%2Bo\_ah

thanks

如果有色o既珍珠粉會有大D掩蓋力，即係就咁睇都睇到有一粒粒色咁囉！而白色o既珍珠粉就冇光時睇番原色，而有光光反出珍珠粉色！當然如果你噴珍珠粉太厚，都會令原本隻色淡左！

而果位師兄o既"海市蜃樓色"我估係用銀灰色做底，上面再上藍色珍珠粉！當然，最好就緊係問返果位師兄啦！

仲有，我試過將D唔同色o既珍珠粉溝埋一齊用，如紅加白，咁都會變左反粉紅光架！