大家通常討論覆件時都會將著眼點放o係做模o個方面
若論方便性, 易用, 易掌握以及安全性 都係自由樹脂既世界la
所以都唔再開post討論相同既問題

今次想問問各位覆件時有咩物料最好用
小弟試過用以下物料覆件 但係都仲未搵到一種arm心水

1)原子灰
價錢平 有若干流動性 但係唔可以好似cast咁流入模入面 執件執到傻
原子灰最大缺點係易脆 唔係咁arm用黎覆件物料

2)cast
最正規既覆件物料之一 覆既件質素係最好
但係好貴..... 一買就要買一大罐 用唔晒又唔放得耐
同friend share又唔方便 又要用夕膠做模
覆一件兩件唔合乎經濟原則
用cast既危險性比較高 最好扮鐵甲威龍先覆件

3)AB造形畢地
小弟用過咁多物料最就手都係造形畢地
價錢平 覆少少件都唔會太貴
用唔晒又可以留返下次
赤手空拳都可以覆件 大不了洗手
造形時間長 可以將造形畢地事先"讓"入模具較深入既地方
又唔會好似原子灰咁脆
但係就毫無流動性 好易覆完件先發覺有一大part有落畢地

各位大大有咩好物料介紹下 有錯請揷

[ 本帖最後由 星星大將軍 於 2007-12-10 10:21 PM 編輯 ]

模.. 試過自由樹脂後, 都係覺得矽膠好. 矽膠的確冇自由樹脂咁快,咁易, 但覆出來既件有返晒原件所有detail, 而且容許有少訐鉤模, 呢兩樣自由樹脂點都追唔上, 所以我都係用返矽膠起模.

至於注料, 我兩個月前係富聯買左隻日本adapt pu, 以重量比較的話係(kg/$)係貴過hei-cast 8017, 但因為散裝 (400g 1pack)所以買試左. 效果滿意. 其實hei-cast都只係pu既一種吧. 大家鍾意hei-cast 8012, 8017都只係倒出來既件軟硬度適合做模型. 但大家都知日本大廠既原件冇幾多係hei-cast. 即係hei-cast 唔係必然, 只要倒出來軟硬度適合, 用其他注料係冇問題.
依家的確有好多"冇名"翻件商用d"次級"注料, 次級係指用係模型上. 果 D料唔係太硬就係太趣, 如果用既注料同hei-cast軟硬度差不多既, 用pu 冇乜所謂. 始終 cast 只係pu 既一種only.

另一個我prefer矽膠模 over 自由樹脂亦同注料有關. 自由樹脂一接近50~60度就開始變軟, 用cast倒, 個模一次就完. 的確, 有時有d野只係要一兩件. 但覆野時有幾多時可以一hit即中?
如果用開稀左既原子灰做注料, 唔係唔得, 但出來既件點都冇沒有開稀既咁硬, 好易散.
用mori mori / sube sube 係好, 但貴呢. 用mori mori / sube sube 同用cast 既價錢都係差唔多呢.

[ 本帖最後由 VampireA 於 2007-12-10 11:15 PM 編輯 ]

搭單問一問
請問開模用的油泥,係用邊款呢?
個包裝係點ga?

唔該

小小提意! 用自由矽膠做模,切勿翻D大件同實心既件! 因為大件要注入大量Hei-cast 8012 a+b膠亦會同時發熱!可能會軟化個模! 最好盡量偷空翻件內部, 既係做相面模令翻件溥D!

仲有注模之前,放個自由矽膠個模入雪櫃一粒鐘會更好!

[ 本帖最後由 aleungyw 於 2007-12-11 12:42 AM 編輯 ]

富聯同祥翔都有, 日本果隻軟身比較英國隻好用. 不過我就好想試一隻綠色日本的, 成日見日本仔用, 但次次上去富聯都冇問佢有冇

放入雪櫃之後倒cast係會有一個問題的 --- 個模拿出來後, 水氣會係個模到冷卻成水. 模有水再倒cast好大獲喎..

請問離模劑係用邊d呢?

在下知有噴及有膏
係咪噴劑貴些?
富聯有無上述兩類?

離模劑可不可以用"花士令"?
有無不良反應?

請問有無一些開模倒模示範網頁?
中英日都想睇睇

唔該晒

[ 本帖最後由 星矢 於 2007-12-11 01:55 PM 編輯 ]

用"花士令"當離模劑最大問題係吾容易搽得平均, 搽得吾好 d detail 位更可能俾"花士令"填咗, 覆吾到果 D位....
我只響起鏌果時用"花士令"去隔開兩舊矽膠...

[ 本帖最後由 aeug 於 2007-12-11 02:24 PM 編輯 ]

有.

膏會用係起相面模時, 噴既會用係倒料時.
因為起模時係唔想有離模劑痴到係原件上的, 噴既就乜都噴晒, 不好呢.
倒時就要全個模(指倒出野既area, 唔係指模與模既area)都要有離模劑, 而且只要薄薄的, 所以噴就好了.

起模用花士令ok. 用風筒暖風吹下d花士令會溶, 好上好多添.
記得有個大陸人起模時會用噴筆噴d唔要既舊油(平時mix多左果 D)噴模"邊"(即係唔噴原件, 只係模)當離模劑, 效果ok.

起模既site一時想唔起呢. sorry.

倒件都用花士令?? 真係not recommand呢..

係喎....

係咪每一次倒CAST前,個模都耍噴一次離模劑?
定係只要個模仲殘留上一次油份(離模劑)可以唔噴?

倒CAST用膏狀離模劑得唔得?
噴劑係咪好貴?

PREFER 每一次倒CAST前噴, 唔係d cast真係痴實左d 位時拉爛個模就無謂喇 (試過了 )

倒CAST用膏狀離模劑得唔得 --- 唔得. 之前咪講左唔得.

噴既一枝幾十到(好似是$5x, 唔記得了) 大枝的.

倒cast入矽膠模時,如果cast份量預少左
可唔可以之後再倒連接返?

要睇點起個模, 不過多數唔得了. 因為d走氣位/注料位都係cast封住左了.

又係wor

前輩以你經驗通常點預計cast份量

倒第一次都係估會預多, 記住用左幾多g. 因為第一注好多時會發現唔夠放氣位, 所以都唔會要到第一注既件.
記住用幾多g係因為1:1係重量比麻. 我用電子磅的, 去到 0.1g. 多左幾多之後減返. 不過我都會預多算, d cast係留耐都冇用, 一開左有水氣就會自動過期唔用得. 而且2kg根本好少會用得晒. 就算依家有散裝400g, 都用唔晒.

原來如此

電子磅幾錢個?
原先想買個普通磅

鴨記買, 百幾兩百有. 我好少覆好大件既野, 所以個max重只係1.kg

1. 請問矽膠開蓋後,可以保全幾耐呢?

2. 準備開cast a b 時從罐中用吸管吸出,用完枝吸管會否報銷?  ( A B 各用各吸管 )
   
3 .裝過cast及矽膠的量杯或紙杯,可否留待下次再用?